為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2019 年 10 月 31 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

暢遊海參崴

真羨慕我公司的歌手,可以到日本拍特輯,可以到芬蘭錄音,可以到丹麥哥本哈根享受浪漫。
最近非常喜歡旅行的寰亞唱作歌手馮允謙(Jay Fung)如願以償,新專輯以旅行為主題,終於第四首派台歌〈尋找白金漢〉衝出香港,遠赴俄羅斯海參崴拍MV!
這次新歌MV到俄羅斯取景,全因為之前另外一首作品好帶挈,Jay說:「新歌嘅旋律喺兩年前已經寫好,呢

馮允謙遠赴俄羅斯海參崴拍MV,寓工作於旅遊。

 

家終於遇到適合時候,由Wyman填詞,周錫漢監製。因為Wyman之前寫俾我首〈山旮旯〉好多人鍾意,當時就計劃要揀一個山旮旯地方拍MV,結果搵到一個比較唔係旅遊熱點,而風景好靚又特別嘅地方,就係俄羅斯海參崴!」


望着Jay Fung興奮地描述海參崴的漂亮風景,滔滔不絕說:「真係好開心好開心,因為我哋要四日之內拍晒所有景點,名副其實嘅極速觀光團,去過金角灣大橋、鷲巢瞭望台、斯維特蘭大街等名勝啦、喺Carousel遊樂場坐摩天輪啦、遊電車河啦、最後仲去到海參崴最南面嘅托卡內夫燈塔,拍啲好浪漫嘅鏡頭,總之最靚嘅海參崴都俾我哋拍晒啦!」鏡頭後,Jay爭取時間參觀賣俄羅斯娃娃的手工藝店,又跟市集檔大叔學以傳統方法用大鎚打造錢幣,非常盡興。
承接上一首歌〈Full Moon Party〉MV最後,Jay邀請女主角一齊去旅行慘食檸檬,所以這首歌MV講他獨自出發。Jay說:「呢首歌嘅歌詞係講一個男人瘋狂咁愛一個女仔,但對方太現實,追求物質,雖然個男仔無乜錢,但佢仍然痴痴咁等呢個女仔回心轉意,而MV就講我一個人嚟到俄羅斯,遇到一個同分手女友好似樣嘅女仔。」
咁有冇艷遇先?
Jay Fung竟然問我:「咩叫艷遇?哦哦!梗係冇啦,差啲連瞓覺都冇得瞓呀!哈哈!」