為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2019 年 10 月 17 日

幸福論 陳智燊

訪問前,陳智燊(Jason)人有三急,但見他隨即拿出小型攝錄機,邊步往洗手間方向,邊對着攝錄機口噏噏自拍,投入得連身旁有人向他打招呼也看不見、聽不到。
他去年六月離開工作了十三年的無綫後,便選擇做YouTuber。「只要我突然有個好正嘅構思想拍,我就會拍個YouTube揼上網o架啦!」另外又以自由身接演員、司儀和主持的job。「出面其實好精彩!只要你肯做嘅話,乜嘢角色、主持都會有。」
正因為願意嘗試,所以這短短一年多,他由從前只會在《Dolce Vita》介紹高級餐廳、名貴腕表,搖身一變成為一個介紹香港工廠區節目的主持。「呢個係個綜藝節目,係拍去新加坡,再賣番俾香港開電視;可能個節目唔算係好新穎,但咁地道嘅節目,我咁多年嚟都拍得唔多,所以拍完之後,覺得好開心!」

 

 


最近,他更為中英話劇團首次演出舞台劇《人生原是一首辛歌》,飾演「一代歌仙」陳歌辛。「呢套劇嘅導演『堅叔』張可堅,上年我差不多離開TVB時,已經搵我。我應承咗之後,就擔心:我未玩過舞台劇,我要點樣做呢?不過呢種擔心,又令我更加有動力做好佢!
「呢套劇我好期待嘅!因為有得演又有得唱,我又未試過做舞台劇,可以做晒自己想做嘅嘢,仲唔係開心到癲呀?」
開心,是他在訪問期間,多次用來形容自己的字眼。而事實上,眼前沒有了大樹遮蔭的Jason,感覺既多了輕鬆自在,更多了一陣住家男人味。
「你咁樣講起,我會即刻諗起個仔(Damon),唔知Sarah(老婆宋熙年)????家帶咗佢去邊度玩呢?」
說罷,但見他一臉冧滋滋,幸福到呢。

去年Jason離開無綫兩個月後,Damon出世,讓他見證了兒子的成長過程。「可能我工作冇以前咁忙,但可以入到產房、搞到百日宴,我反而覺得好開心!」

 

勇氣

陳智燊(Jason)是去年六月離開無綫的。「走,我掙扎咗好耐,諗咗差唔多一年。」最大考量,是他和太太宋熙年(Sarah)其時正計劃生BB。「我做呢個決定時,Sarah仲佗住個仔,所以舊年各方面嘅嘢,我都諗到癲咗!因為當你要踏出呢一步呢,係會驚o架!你諗住每個月要交番嗰個租金呀、開支呀,咁就會『er……er』,遲吓先啦!」
他效力無綫已十三年了。「我同Sarah從來都係TVB養大,我哋喺嗰度出身,係個好受保護嘅演員,淨係識得嗰個環境。收入呢?都叫做穩定嘅,因為都叫做有底薪啦。公司係有公司嘅穩定,佢哋有佢哋嘅產量,有好多唔同嘅拍攝同製作,會安排你係一個位——即係你話拍介紹工廠區呢啲咁香港地道嘅節目,佢哋會俾『一蚊Joe』(游莨維)去做,我就會繼續介紹我嘅餐廳(主持《Dolce Vita》),大家都好聽話,做番自己嘢,條路好清晰。」
諗到頭爆之際,他回想起從前由土生土長的英國,回港發展時的心態。「如果我廿五歲嘅時候,只係好想入呢行,但冇諗過返嚟香港,我諗我o依家四字頭,仲喺英國做緊醫院管理,打緊份工,入行嘅想法,就會係我一個好大嘅遺憾!」
結果,他用力深呼吸,走出了無綫的大門。「我喺TVB學咗好多嘢,離開嗰吓,好似個人長大咗,要離開屋企咁。」

Jason坦言,若再生育,想多個女。「Sarah成日都話,如果有個女,就會取代阿媽、老婆嘅地位,但係????家阿仔都……哈哈哈!」

 

兩公婆在YouTube設有頻道,不時一家三口亮相,大晒美滿家庭生活。「其實阿仔先係呢個channel嘅老闆呀!」