為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 10 月 10 日

嚴淑明晒三卡鑽戒造勢

闊別樂壇九年嘅嚴淑明,將於年底推出國語新碟。由於稍後要宣傳見人,懶於打扮嘅佢,亦都扚起心肝去減肥及執個靚樣。咁啱有美容品牌搵佢合作,雙方一拍即合,轉頭佢就上咗去拍廣告片,東姑都專誠去探班。
當日,悉心打扮嘅佢,手上戴上兩隻戒指,其中一隻係三卡嘅巨鑽,佢拍攝時經常手揈揈講對白,相當耀眼。事後,佢笑言:「我之前做沐浴露生意,因為急需要資金,所以將好多珍貴嘅珠寶首飾賣晒套現,呢家賣剩幾隻,今日拍嘢,咪扮靚啲戴下囉。」
為咗變靚,女人可以去到好盡,佢仲做埋「微調」添,佢話:「我都破四(十歲)啦,好難敵得過歲月!我自覺肥咗,又有雙下巴,頸部又有啲耷,keep得都辛苦o架。今日做呢個療程,有提升緊緻嘅作用,但會有少少痛。我唔主張整容,但呢啲係醫學科技,聽聞係即刻見效。」努力變靚啲嘅佢,相信好快會令一眾粉絲眼前一亮。

孭了兩大袋私伙前來,嚴淑明由頭襯到落腳,全程不假手予人。

 

佢對拍攝效果甚為緊張,不時跟工作人員睇playback研究。

 

日前,嚴淑明到美容院拍片,期間大晒手上三卡鑽戒,排場十足!

 

拍足大半日,佢僅得半個鐘到快餐店速食個叉雞飯醫肚。