為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 10 月 09 日

喜愛雲裳 王曼喜

很多星二代,都會選擇繼承父母衣缽,入行拍戲、唱歌。偏偏王敏德與馬詩慧的女兒王曼喜(Kayla),就選擇創立自家時裝品牌,還要發展可持續性時裝。
Kayla直言,當初很多人不看好,但個性倔強的她又豈會輕言放棄,創業三年,由不被看好到略有小成,她最感激家人無條件支持。「初初將網店計劃pitch俾啲生意人,佢哋同我講賺唔到錢,好難維生,不過我堅決要做。頭兩年自己一腳踢,好在有屋企人支持,媽咪、阿妹幫我做Model;爹哋、細佬又幫我做Campaign,真係好多謝佢哋!」
感情路上,出櫃後的Kayla現時愛得更自在,「未跟父母講之前,始終係有保留,我知道嗰種係咩感覺,所以我希望更多同路人唔需要再有呢種家庭壓力嘅擔憂,這亦係我積極參與爭取平權嘅原因。」
最近回復單身的Kayla,仍以追求心靈伴侶為目標,更希望將來可生兒育女當母親,活出自我。

Kayla坦言,媽咪最初不太接受她鍾意女仔,「始終佢想個女搵男人結婚生仔,但過咗一排佢覺得我開心係最重要。」她指與父母關係良好,是建基於溝通與尊重。

 

一家五口樂也融融,是圈中幸福家庭的佼佼者。

 

一腳踢擺市集

女仔天生愛購物,王曼喜也不例外,何況媽咪還是名模,爹哋又是型男,一家人對穿衣講究是意料中事。然而,Kayla對時裝的熱愛,還不止於此︰「我由細到大都鍾意時裝,讀大學時喺洛杉磯一間Fashion School 讀Merchandise Marketing。十六歲開始喺Dior、連卡佛實習;讀完書返香港,喺地產公司做過Marketing,後來覺得自己唔鍾意做大公司。
「之後做咗成年research,開始發掘到時裝嘅Ugly side,好似o依家大部分品牌,用緊嘅棉都係有農藥嘅,會污染土地,對身體唔好。細個成日買衫,一個月買十幾件Fast fashion,好多係流行Item,着一兩次就揼,好浪費。後來我改變咗,多數買黑、白色衫,買嘅過程會多諗一步,自己係咪有呢個需要呢?所以我嘅品牌叫『Basics for Basics』,意思就係回歸簡約、環保,同埋將平權、人權訊息帶俾大家。」

Kayla一家人關係融合,早前一家五口,開心慶祝妹妹王麗嘉廿四歲生日。

 

Kayla與妹妹王麗嘉相差兩年,兩姐妹感情要好,經常孖住出海大show好身材。

 


創業三年,雖然辛苦,但Kayla的一股熱血卻蓋過所有。「最難忘係One man band擺市集,一個人執衫、拖喼,Call貨Van一腳踢,喺中環海濱市集由朝坐到晚。我份人本身唔係咁Social,但喺市集要學主動同客人溝通,最窩心係有次出咗件新衫,網店都未有得賣,但係市集好多人鍾意,兩日之後竟然Sold out,第一次感受到,原來自己啲衫係可以賣得晒,真係好感動。
「開始做呢個Brand時,無諗過要賺錢,只係好想帶環保時裝呢個message俾人。初初做都要蝕錢,做到第三年,慶幸愈來愈多人認同。聽到客人讚啲衫舒服、概念好好,都俾我好多信心。舊年有新Partner加入,公司做咗Rebrand,有新Logo、啲衫大眾化咗,仲會慢慢引入去多啲小店,有望出年可拓展台灣市場。我哋都好期待,希望有日可以靠呢個品牌維生,唔使做其他嘢啦!」

Kayla經常在IG大曬靚相,Fit爆身形羨煞旁人。