為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 10 月 03 日

關智斌嚇到何超蓮喊

啱啱開完個唱嘅關智斌(Kenny),工作多多,日前就聯同賭王三太女何超蓮,仲有何華超及「廣告女王」李莉,為日本CAPCOM嘅《Resident Evil2:Infected Hong Kong》(生化危機2)實景體驗館拍攝宣傳片。
當日, Kenny同超蓮扮演遊戲參賽者,故以一身war game造型上陣,而何華超和李莉則分別擔任警長及喪屍一角。佢哋成班人都喺一間布置成又殘又破嘅辦公室同警局度拍攝,環境陰暗恐怖,十分逼真。當中劇情講述,Kenny同超蓮要逃避受到傳染,不惜狂跑逃生。即使超蓮係千金小姐,但拍攝起來絕不錫身,親自跳上跳落,佢仲嫌動作鏡頭唔夠多,所以有啲失望添。
而Kenny亦大讚超蓮表現出色,絕不似新手。由於跟超蓮係老友,閒時也一齊玩;期間,Kenny竟然夾埋其他參演者整蠱佢。話說有一part當超蓮講緊啲呼籲字句時,Kenny突然大嗌暗號,於是成班演員撲埋去咬超蓮,嚇到佢想喊咁滯!Kenny笑言︰「超蓮全程係唔知,雖然我係有啲內疚,但嗰刻我又笑得好開心,仲有畀佢追住嚟鬧。哈哈!」Kenny表示昔日都會約朋友去主題公園玩鬼屋,相反今次工作有酬勞收,仲有得玩,可謂過足癮!

即使現場並非實景,但因為布置及道具都好逼真,所以Kenny同超蓮拍攝時都好快投入。

 

搏晒命嘅超蓮,大膽由高處跳下,Kenny就小心翼翼咁護住佢嘅頭部。

 

Kenny帶住超蓮勇闖場地,由於二人私下係好友,所以默契十足。

 

超蓮由工作人員幫忙整理造型,身穿短褲嘅佢更要跳上跳落,大展身手。

 

喺鏡頭前夠晒認真嘅Kenny,最後竟然聯同其他參演者一起整蠱超蓮,難怪女方懵然不知。

 

Kenny同超蓮以一身war game嘅造型上陣;而Kenny當然係護花使者,二人拍攝前都好好交流。