為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 09 月 27 日

飛出我天地 林燕玲

漫畫中的小飛俠阿童木,是無法長大的機械人;現實中,有「小飛俠」之稱的林燕玲,四十一歲仍保持初出道的清爽短髮,待人處世則變得更圓滑。在這十數年間,她多次轉換身份,從新聞女主播轉型成為大集團公關,再發展到今天創立自家工作室。
「我去到邊都係由頭學起,無諗過人哋點睇自己,但有時自己都有啲睇唔起自己,哈哈!所以我做每份工,都會好努力爭取升職,會主動問上司、老闆點樣先可升職呀,我爭啲咩?我唔係想做商界女強人,只係想攞一份肯定。」
女人事業成功,始終渴望有個家,自一七年結婚後,她追求工作上有更多自由度,方便照顧家庭,「婚後我想過一種全新嘅生活,而且希望快啲生小朋友,有個完整嘅家庭。」
這位知名女主播,飛了那麼久,小飛俠也是時候要停一停,重新思考調整方向,為未來再起飛。

離開工作接近四年的麗新集團,Ruby創立自家工作室,提供公關諮詢服務,還會接司儀、主持等工作。「另外亦會有短片製作服務,第一步係想做關於醫療教學嘅範疇。」

 

加入TVB當新聞女主播,因眼仔碌碌,短髮留海像小飛俠阿童木,因而有「小飛俠」外號。

 

是非女主播

林燕玲﹙Ruby﹚最深入民心的,一定是新聞女主播的專業形象吧!鏡頭前的她端莊成熟,鏡頭下談吐得宜,即使已離開主播生涯多年,這天拍照時仍不時女主播上身,無意中擺出凌厲眼神,需要攝影師多番「叮囑」,才成功展現女性溫柔的一面,連她也笑自己︰「我成日都唔記得o依家影相要自然啲,可想而知嗰時TVB同NOW嘅訓練,對我有幾深影響!」
有今天的成就,Ruby說要多謝舊公司的栽培。〇三年沙士襲港,成為其事業的開端。「當年TVB新聞部舉行大型招聘會,我細妹叫我試吓考女主播,點知真係得咗,好似發緊夢咁。你諗吓,我大學讀生物化學,完全無新聞底,佢哋搵咗好多好資深嘅新聞人,嚟訓練我哋班新人,所以我好感恩,因為自己無讀過新聞系,嗰時講嘢又有懶音,我要比人哋更努力。嗰時無論沖涼、搭巴士、瞓覺前,我都會不停練習,只要有心做好呢件事,就唔辛苦。」

一七年與金融才俊葉浩文拉埋天窗,並公開甜蜜婚紗照,獲網民祝福。

 


在TVB兩年,Ruby被安排在黃金時段報新聞,一度引來不少是非,談到主播間的明爭暗鬥,她不以為然︰「每份工一定有開心有唔開心,過咗就無事,況且當時嘅目標只有賺錢、升職、養屋企人,無時間理人點睇。你一定要有好表現,先可更上一層樓,所以我好介意自己講歪一個音,出鏡一定唔可以食螺絲。」
Ruby接受訓練半年後在無綫電視收費電視台擔任新聞主播,再於年中調到翡翠台 ,總算對自己有個交代。「NOW財經台開台挖我角,都證明咗自己嘅能力。不過,唔好見笑,財經我又係完全唔識,又未買過股票,連股票戶口都無,叫我分析股票,又要從頭學起,真係好大挑戰。
「接觸過先知,原來財經世界咁大,以前淨係報新聞,轉工後要做節目主持,上司同我講:『Ruby你要講嘢啦,俾一個鐘你講。』,幾大壓力呀!於是我又要上堂,逢星期六補課,搵專人教我財經術語,我又學到好多嘢,喺NOW做了五、六年,有好大滿足感。」

趁還未有小朋友,兩口子今年年初一起到首爾旅行,過二人世界。