為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2019 年 09 月 12 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

廿八為限

給你廿八天,你會做甚麼?
心想甚麼也可以做到了。
最想做的,是放廿八天的長假期。
去郊遊、去賞湖、去行山、去躺在草地望天打卦,是人生一大樂事。
聽着梁釗峰的新歌〈28天〉百般滋味,想着廿八歲痛苦的自己,聽着這首歌可以釋懷嗎?
釗峰唱着:「做人必需懂放下完美,同時也試試接納自己,學跌一跤總會賺些謙卑,嘗試放棄跟他作對比,人老來若覺苦,苦不過沒自己,又要擔心今世無運氣,經歷了覺悟太少,偏差很遠,人總要試盡百般滋味,也算合理!廿八天終止傷悲,重新振作,又見好天氣,再放任飛!」
刻下靜心的我,用兩分八秒來終止憤怒也覺得浪費時間,因為憤怒的心三秒鐘就熄滅了。

 

 

釗峰新歌〈28天〉,是他給自己及樂迷的禮物。「廿八日係我俾自己嘅一個限期,一個人感覺好孤單,但要俾情緒釋放,容許自己唔開心一陣,但唔好超過廿八日。」

 


說到歌名〈28天〉,釗峰解釋說:「呢首歌係我廿八歲時寫嘅,當年自己經歷了一啲好唔開心嘅事,情緒崩潰之後,發覺解鈴還需繫鈴人,自己心結自己解,我決定寫一首歌嚟為自己解脫。
「廿八日係我俾自己嘅一個限期,每個人都會面對唔開心嘅時候,一個人感覺好孤單,但要俾情緒釋放,容許自己唔開心一陣,但唔好超過廿八日,唔好頹太耐。我希望〈28天〉係一首可以令自己起番身嘅歌。」
人長大了,就明白放下的道理,憤怒傷心痛苦亦只是自作自受,何不選擇開開心心的過。
釗峰看透了很多,人生是要向好的看。
像當天拍MV時,導演安排了上大帽山拍攝吹吹風心曠神怡的鏡頭,竟讓他遇上傳說中熱愛跑山的周潤發。
釗峰笑說:「我自己有越野跑的習慣,之前也去過大帽山跑,但一直冇遇過發哥,而撞到發哥呢件事,係好多『山友』都期待嘅事。」
最後釗峰揼心說:「點知我哋揸車上山嗰陣,真係見到發哥,我見到佢嗰陣在車內,因為太突然,我只係同佢對望揮咗個手,完全冇反應想過落車『野生捕獲』發哥同佢合照,其實我真係應該即刻衝落車o架!」