為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 09 月 08 日

謝雪心孔子後人主持開筆禮

人稱「心姐」嘅謝雪心(真名:孔令馥),祖籍山東曲阜,係正宗孔子嘅第七十六代後人。早前,佢就應邀參加一個香港遊學團做嘉賓,親身去到德慶嘅孔子廟,出席開筆禮活動。
在場有七十八個香港學童,每個都着住傳統服飾,模仿古時嘅開筆破蒙禮,跟啟蒙老師學習一啲做人道理,學讀書、練寫字,而心姐就負責當中嘅硃砂點字儀式。心姐表示好榮幸可以參加呢個活動之餘,心情仲好激動添。佢更話原本女性後人唔可以入族譜,但係多得傳媒報道,佢個名喺幾年前,正式寫入孔夫子族譜裏面,真真正正認祖歸宗。
而此行,心姐仲跟大隊到處觀光,其中一站就去到悅城嘅龍母祖廟進行參觀,佢更加即場充當導遊,介紹龍母祖廟嘅特色。東姑睇佢介紹得頭頭是道,仲以為佢主持緊旅遊節目,不愧係孔夫子嘅後人,戲裏戲外,幾時做嘢都咁專業、認真!
近年,心姐亦喺商界大展拳腳。最近,佢就成功引入八四年環球小姐、瑞典籍嘅Yvonne Agneta Ryding,所研發嘅一系列有機護膚產品。日前,心姐就邀請到Yvonne來港出席座談會,與一眾粉絲及客戶分享護膚心得,果然長袖善舞。

近年,心姐除咗演藝事業外,仲喺商界大展拳腳。最近,佢就成功引入環球小姐Yvonne(右)研發嘅一系列有機護膚產品添。

 

心姐去到德慶嘅孔子廟,参加開筆破蒙活動,並主持硃砂點字儀式。

 

在場有七十八名香港學童,穿着古時嘅裝束,參加呢個學宮嘅開筆禮。

 

聽聞摸廟內嘅兩條龍柱會帶來好運,心姐亦有親身一試。

 

心姐仲即場扮旅遊節目嘅主持人,為大家介紹龍母祖廟,認真專業。

 

日前,心姐邀得環球小姐Yvonne來港出席座談會,與一眾粉絲及客戶分享護膚心得。