為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 09 月 07 日

楊潮凱錫B狂爸

無綫藝人楊潮凱(阿凱)同圈外女友喺一三年結婚之後,去年誕下女兒Catherine,現時十七個月大。自從榮升人父後,佢變成「晒B狂魔」,不時喺社交網公開晒囡囡嘅生活照,又經常留言冧爆「前世情人」,兩父女溫馨互動sweet到爆!
早前,東姑就喺九龍灣Megabox商場,巧遇阿凱扶老攜幼,一家三口連同一位老人家,一行四人去到傢俬店附設嘅餐廳,喺度打算搵位開餐。不過,當日假期人逼逼,餐廳都坐滿客人,由老婆負責搵位,而阿凱就負責抱住囡囡。現場所見,佢全程只顧呵吓、錫吓、????吓愛女,睇嚟係完全投入喺父女嘅「二人世界」當中,難為老婆「 孤軍上陣」一個人搵位食嘢,最後都係唔成功。
於是,一家人索性轉去行傢俬店,幾個人集中火力選購單座位嘅梳化椅;不過,就由歲半大嘅囡囡至高無上話晒事,並由佢逐張試坐,睇下鍾意邊張啱心水。期間,阿凱呢個「狂爸」又現形,望住乖女笑到冧滋滋咁,又「龍友」上身幫乖女狂影寫真,一副有女萬事足嘅樣,恐怕身邊嘅楊太都要「呷醋」喇!

負責抱女嘅阿凱,邊行邊錫吓、????吓乖女,對囡囡愛不釋手,完全係一副有女萬事足嘅樣!

 

一家人原本打算喺餐廳搵位食嘢,但阿凱只顧住個「前世情人」,搵位任務就辛苦晒楊太喇!

 

佢哋真係錫女錫到燶,就連喺傢俬店選購梳化椅,都畀愛女試坐嚟決定,由囡囡話晒事。