為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 08 月 30 日

「星二代」開學大追蹤 陳敏之追到氣咳

時近九月,一眾作為父母的藝人,亦要忙於為仔女開學費周章。袁詠儀七月與老公張智霖,趁暑假帶十二歲囝囝張慕童(魔童)歐遊後,近日,她已積極跟就讀國際學校的魔童,收拾心情,為升上Grade 7作好準備,甚至出動一百四十萬的平治四驅車,親自接載愛兒返校處理開學事宜。
至於仍然是新手媽咪的陳敏之,雖然囝囝雷子樂(冬至)只得兩歲,但早於八月中,已開始返學前班。日前,本刊便發現兩母子到紅磡著名幼兒園St. Catherine's 上親子堂,只見放學後,可愛的冬至仔,跑得十分快捷,表現相當興奮,追到媽咪氣咳!

 

 

 

遠遠看見正在路邊等候他的女子,冬至仔即加快步伐跑過去,還興奮大叫,墮後的Sharon當堂追唔切。

 

失戀感覺

 

四十歲的陳敏之(Sharon),一六年尾為老公雷偉信,誕下兒子雷子樂,由於囝囝生日適逢冬至,故為他取乳名「冬至」。現兩歲半的冬至仔,正值入讀學前班年齡,而Sharon亦為他報讀了著名幼兒園St. Catherine's。日前,本刊更發現兩母子齊齊到學校上親子堂。當日下午三時多,穿着熱褲大騷長腿的Sharon,拖着囝囝,急急腳走進位於紅磡的幼兒園。一小時後放學,兩母子離開,甫走到街上,冬至仔便二話不說鬆開媽咪的手,歡天喜地向着站在路邊的女子跑過去,跟她展示手上的手工作品。追到氣咳的Sharon,跑到囝囝身後,便着他登上七人車離去。
其後,本刊致電Sharon,問及冬至仔的開學情況。「開咗學兩個幾禮拜,佢頭一個星期返學,好有新鮮感,好乖又好開心;點知一個星期之後,佢就成日喊,每朝早我送佢返學,我自己都有啲掙扎,要同佢講數。有時,我送佢去老師度,佢會扯住我,唔畀我走o架,我咪惟有狠下心腸、頭也不回就走咗去囉!但其實每次送完佢返學,我都有啲失戀嘅感覺。」
她表示,選擇St. Catherine's讓兒子入讀學前班,都是睇中學校的教學方式。「佢係活動式教學,每個月七千幾學費。好在係兩文三語,因為我覺得小朋友點都要識講先,跟住再學寫字會比較容易。其實,我喺安排教育呢方面,仲係好初哥,個仔o依家讀PN(pre-nursery學前班),我先知乜嘢叫做『一條龍』,所以我都未諗清楚之後想佢讀國際學校,定傳統學校o架。」時日如飛,Sharon應該要快啲做決定了。

Sharon表示,之前亦曾不經意地做了怪獸家長。「個仔要乜就畀乜,反而老公就管教得佢嚴啲。」