每年暑假都是親子的黃金檔期！甄子丹本月初就趁拍戲空檔，和太太汪詩詩，帶同女兒甄濟如（Jasmine）及兒子甄濟嘉（James）到法國和意大利旅遊，同行還有朱李月華夫婦和呂良偉夫婦等。
他們一行人乘坐遊艇，暢遊法國和意大利沿海多個島嶼，白天大玩水上活動，晚上大啖紅蝦生蠔等海上鮮，一家人開心共度了十日難得的愉快假期。
汪詩詩說：「呢個trip，我同老公plan咗好多年，因為佢拍戲唔定時，假期冇得預，到last minute先話出發，仲要夾埋小朋友啲假期。所以今次一家人可以一齊過呢個假期，真係好開心。」

 

甄子丹平日忙拍戲，難得一家四口齊齊整整去旅行，未出發已先興奮。

每餐都有大量海鮮放題，Jasmine最鍾意生蠔同紅蝦。

藍 洞 探 秘

十日行程，他們先後到過意大利多個城鎮和小島，包括波西塔諾（Positano）、卡布里島（Capri）、薩丁尼亞島（Sardinia），和法國歷史人物拿破崙的故鄉科西嘉島（Corsica）等，每日看着如詩似畫的醉人美景，賞心悅目。
詩詩說：「今次行程有呂哥、小娟（呂良偉夫婦）和朱太夫婦（朱李月華）同行，有佢哋安排同帶路，我同老公輕鬆好多。成個行程好relax，兩日去一個地方，睇吓啲建築，睇好多山水靚景。當地海水好清，阿仔（甄濟嘉）就最鍾意游水同玩水上活動。」
以前詩詩和老公也去過意大利旅遊，但多數都是逗留在大城市遊覽，今次有人帶路遊遍多個島嶼，樂而忘返。「小島有好多cave(洞穴)，其中喺Capri嘅藍洞（Blue Grotto），我哋要排隊坐艇仔入去，個洞口好細，我哋要瞓低喺艇上先入到去。裏面雖然黑麻麻，但洞外嘅陽光照落水度反射入洞，成個水面發出藍光，好夢幻。」

James熱愛水上活動，駕着水上單車在海上來回飛馳，樂此不疲。

女兒Jasmine雖然只有十五歲，但已長得亭亭玉立，此行更成為詩詩的攝影model。「好彩佢大個咗唔抗拒俾我影，我幫佢影咗好多靚相。」

詩詩每天走出遊艇甲板，即可來個日光浴放題，「我哋日日都游水，除了登島，其餘時間全部都係水上活動。」