為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2019 年 08 月 13 日

關慧玲

《東周刊》社長兼總編輯。

快樂六寶

近日城市人大部分都很燥,個個星期示威衝擊,有時連街也不想出。

曾智華退休後,變咗退休達人,周圍同人講點樣快樂過日子。佢最近出新書《有盈退休》,就詳細講咗點樣在大部分時間保持愉快心境。

佢快樂退休嘅核心係財務自由,即係話仍在搏殺中嘅你我,要為將來退下火線做好準備,唔好先使未來錢。

佢話退休對人尤其是男性來說,正是煩惱的開始,每每悶悶不樂,影響健康。所以快樂主要法門,就是要有健康體魄,才可實行多項人生計劃。

曾智華話,要健康,先要睡到安寧覺,放棄自己不應得到的一切,包括金錢、權力、感情,同時不要苛求仔女做到自己主觀要求;事事順眼,心情自然安逸。

第二,要多唱歌,最好行到邊唱到邊,製造內心快樂。第三,跳舞或者做運動,分泌快樂荷爾蒙。此外,和朋友相聚食好嘢亦得。

施比受更有福,幫助人群當中最弱小的一個,令佢哋脫離痛苦,也能達到快樂。

最後一個法寶也是最重要的一個,就是刪除負能量的人和事,打工時有一定履行的角色,退休後便沒有義務見不想見的人,做不想做的事,快樂自由自己創立,當然煩惱亦是自尋。

佢話,當一個人快樂時有種吸引力,令更多人會成為你的朋友。

以曾智華為例,退休前佢工作非常忙,精神和皮膚都出現問題,免疫系統唔好,好多時傷風及感冒。退休後佢專心照顧自己健康,每日行一個鐘,自覺身體好咗,傷風感冒都少埋。

佢嗰代人,大部分嘅錢都係辛辛勤勤搵番來,到剩下人生三分一時光,真正行動自如可能十年咋,當然要快快樂樂地花,不是一下子花光,而是三分一儲起,三分一花在令自己快樂嘅開支,仲有三分一,就去做喜歡的事,見喜歡的人。有些人老來卻把退休金用來幫子女買樓供樓,曾SIR就話不要過分保護仔女了,要讓他們感受種種風雨,因為,人生本來就是這樣。

佢話如今每朝醒來都感謝上天,畀佢快樂地活多一天。