為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 08 月 11 日

鄭欣宜買花送自己

單身咗一段幾長時間嘅鄭欣宜(Joyce),原來已經三十二歲嘞,而至今都未有聽聞佢有新戀情。不過,佢就自言享受,覺得單身都可以活得精采,正在等待下一段愛情出現喎。

雖然佢單身冇男友,但身邊就有唔少好友兼閨密,一啲都唔怕dry、唔會寂寞。好似,早前下午約四點幾,東姑就喺跑馬地巧遇佢,結伴歌手好友鄧小巧,似足一對好姊妹咁行街。之後,兩人入咗一間花店,Joyce左睇右睇精挑細選鮮花、盆栽,仲不時向店員查詢,又會問吓身旁小巧嘅意見,似係心大心細,唔知揀乜花買嚟送自己。其實,就算冇男友又點?花都唔一定要人哋送嘅!

最終,Joyce揀唔啱心水,兩手空空咁離開,而佢同小巧就行落大馬路截的士;不過,撞正的士交更嘅時間,截咗好耐都未有車,搞到佢都乸埋晒口面。喺呢個時候,佢可能又想有個男友做「柴可夫」,有專人車出車入,so sweet呢!

單身冇拖拍嘅 Joyce不愁寂寞,約埋好姊妹鄧小巧結伴行街。

 

兩人入咗一間花店,Joyce精挑細選鮮花以及盆栽。

 

有小巧陪伴買花嘅Joyce,揀花揀到心大心細,並向店員徵詢意見。

 

遇着的士交更時間,Joyce不斷伸手都截唔到一架的士接載。

 

截唔到車嘅Joyce,苦中作樂,對住小巧作狀乸埋口面,表情趣怪。