為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 08 月 13 日

李天翔吸煙遠離老婆

因為經常喺劇集中飾演反派,兼拍過唔少強姦戲,令李天翔有個好爆嘅封號叫無綫「御用強姦犯」。從外表睇佢一副奸仔樣,演出窮兇極惡之人,的確入型入格。不過,現實生活中,一七年佢同拍拖六年嘅圈外女友譚寶怡(Bobo)結婚,唔單只專一長情,私下仲係「愛妻號」。

早前,東姑就喺九龍城,發現佢同太太好恩愛結伴行街,全程佢同老婆都十指緊扣;尤其是過馬路時,佢特別窩心照顧另一半,拖到老婆實一實。不過,期間佢都有好唔捨得,鬆開老婆隻手。睇真啲,原來煙癮到,佢揸住煙一路行一路食,為避免太太吸二手煙,無奈之下保持少少距離⋯⋯一陣咁多啦!

同太太Bobo拍拖六年、結婚兩年嘅李天翔,現實中係出名嘅「愛妻號」,拖住老婆出現喺九龍城行街。

 

全程佢同老婆都十指緊扣拖到實,表現十分之恩愛。

 

直到李天翔點起煙,先鬆開老婆隻手,相信係為免老婆吸到佢啲二手煙嘞。