為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 08 月 14 日

余迪偉吹水冇停嘴

商台主持余迪偉(迪奶),除咗跟Do姐鄭裕玲、麻利亞共同主持電台節目《口水多過浪花》之外,亦有喺ViuTV跟林二汶拍檔主持電視節目《晚吹——又要威又要戴頭盔》,兩個都係「吹水」節目,所以可以肯定佢嘅「吹水」能力超高。

早前,東姑就喺九龍城廣場一間酒樓巧遇「迪奶」,同枱仲有一女兩男一齊飲茶醫肚。現場所見,啲點心一上枱,佢就好擒青咁搶食,睇嚟相當之肚餓;之不過,佢個口食還食,依然不停喺度講嘢,名副其實「口水多過浪花」,Do姐果然冇搵錯拍檔!

口水多過浪花嘅「迪奶」,一邊咬住叉燒包,一邊仍唔停嘴講嘢,堪稱「吹水王」。

 

身兼電台同電視兩個吹水節目嘅主持,「迪奶」真係好吹得吓,不停跟同枱兩男一女,食住講嘢。

 

喺商台做完節目,到九龍城飲茶醫肚嘅佢,似飢民咁爭食,仲食得勁擒青,睇嚟相當之肚餓。