為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 08 月 12 日

馮盈盈揸車打衝鋒

一六年嘅港姐冠軍馮盈盈,入行短短三年,無論拍劇、做主持發展得相當唔錯,去年仲攞埋無綫嘅「飛躍進步女藝員」獎,可見佢深得公司重用、備受力捧。

日前,東姑就喺將軍澳街道上,巧遇佢揸住架銀灰色座駕,以好快車速行駛之餘,又逢車過車,似乎好趕時間;而當去到燈口停低時,佢就更加把握呢十幾廿秒嘅時間,照住倒後鏡急急忙忙咁補妝。

後來,東姑先發現,當日中午佢有份出席一個將軍澳舉行嘅港姐宣傳活動,而遇到佢嗰陣時,佢其實已經遲到近十分鐘,難怪揸車好似打衝鋒咁,連妝都喺車上匆忙補,就係無謂遲到留下bad record,糟蹋之前一番努力嘛!

車速開得好快,且逢車過車嘅盈盈,睇嚟好心急、好趕時間。

 

去到燈口位停低,盈盈隨即爭取時間,照住倒後鏡補妝。

 

最後,盈盈抵達將軍澳一間酒店。原來當日有份出席一個港姐活動嘅佢,遲到咗十分鐘。