為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 08 月 10 日

張艾嘉食肆「開talk」訓學員

現年六十六歲嘅張艾嘉,入行超過四十年,集編導演樣樣皆精嘅佢,喺圈內享有好高嘅江湖地位。難怪,大家都尊稱佢「張姐」前、「張姐」後,而藝人劉若英、李心潔同佢,就更加情同師徒。

早前,東姑就喺九龍城一間著名嘅潮州菜館遇到張姐,素顏戴住眼鏡、穿着T恤、牛仔褲嘅佢,打扮得非常隨便;仲好似做領隊咁,帶咗一班為數約卅人嘅後生仔女,分咗三張大圓枱開餐。

東姑聽見佢哋都係以國語交談,成班後生仔女相信係學生,對張姐必恭必敬;而張姐亦擺出老師嘅姿態,說話口脗似訓導,並且似足「開talk」講座咁。就算之後啲餸嚟到,佢都邊食邊講到唔停口,循循善誘一班後生仔女,分享佢過去幕前幕後嘅經驗。

據知,張姐過去為栽培台灣嘅新人不遺餘力,曾經捐出自己嘅酬勞成立「果實基金會」,培訓年輕演藝人員,相信呢班人應該係由台灣來港嘅學員。其實,佢哋當晚開餐嘅菜館,係一間星級食肆,連星爺周星馳及玄學家李居明都時有幫襯,相信張姐好人好到底,埋單都係佢掏腰包請客喇!

素顏戴眼鏡、穿着T恤、牛仔褲嘅張姐,似領隊咁帶埋一班台灣學員,到九龍城嘅著名潮州菜館開餐。

 

為栽培台灣演藝新人不遺餘力嘅佢,邀請大班學員來港交流,仲預備幾圍招呼佢哋,認真親切。

 

喺演藝界德高望重、享負江湖地位嘅張姐,席間似「老師」咁同大家「開talk」,而各人亦對佢敬重有加。

 

雖然啲餸嚟到,佢都冇一味掛住食,仲爭取時間不停口教導學員,傾囊相授「袋錢」入後生仔女嘅袋。