為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 08 月 08 日

黃庭鋒被貼大字報追債

有無綫高層余詠珊愛將之稱嘅黃庭鋒,之前喺Now TV做體育節目主持,一六年過檔無綫後,備受重用,除咗同譚玉瑛、吳幸美拍檔主持節目《香港原味道》之外,又喺劇集《救妻同學會》飾演「賤佬」一角, 最近仲參與汪明荃主持嘅遊戲節目《娛樂大家》,機會多多。

不過,呢個上位中嘅新人,最近疑似捲入金錢糾紛。日前,東姑就喺電視城外一帶範圍,發現唔少附有佢照片兼指名道姓嘅追債大字報,貼晒喺燈柱上及牆身上。內容指佢以藝人身份招搖撞騙,爛賭成性,欠債不還,並向佢追還二千萬百家樂賭債。

就呢件事,黃庭鋒就喺社交網交代,強調自己及家人未有欠債及賭博,唔明白點解會畀人貼追債大字報,並已經即時報警處理。

電視城外一帶嘅範圍,貼有多張向黃庭鋒追債嘅大字報,內容指名道姓兼附有照片,指佢爛賭成性、欠債不還,並要求佢盡快還清二千萬百家樂賭債,但佢立即否認!

 

自小係體育健將嘅黃庭鋒,曾經做個體育老師,後來半工讀中大體育文學碩士。有傳因為佢係無綫高層余詠珊嘅愛將,所以剛入無綫,即被安排主持節目《香港原味道》。