為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 08 月 09 日

「池美麗」激動講電話

無綫熱播處境劇《愛•回家之開心速遞》中,鍾凱琪飾演嘅「池美麗」一角,戲份雖然唔算多,但非常搶鏡。好似之前有幾集,就講「池美麗」因為癡戀「金城安」(周嘉洛飾),竟然唔理對方已經有女朋友「譚育英,Bonnie」(林凱恩飾),仲不停出陰招撬牆腳,角色討厭得嚟令人印象深刻。

早前,東姑搭港鐵時巧遇鍾凱琪。雖然明知道佢現實中係一名日文教師,為人心地善良,同劇中嘅角色完全唔似;之但係,當日所見,佢一路坐車戴住handfree不停講電話,竟然講到好激動,仲唔理鄰坐嘅乘客,傾到面容扭曲,有幾吓仲狀甚嬲豬,講到嗡眼嗡鼻兼扁扁嘴,真係唔知道邊個激親佢呢?不過,就令東姑諗番起「池美麗」喺《愛》劇中嘅面目可憎,都係因為佢演出太入型入格喇!

搭港鐵時,雖然有其他乘客坐喺側邊,但戴住handfree嘅「池美麗」,仍忘晒形咁高談闊論講電話。

 

唔知同人煲粥傾開乜嘢話題,搞到「池美麗」個樣睇落好激氣,講到面容扭曲。

 

激氣完一輪,佢又對住電話扁晒嘴,一副悶悶不樂嘅樣,嬲豬完,瞬間又變慘慘豬。