為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 08 月 11 日

黃浩然搞gag幫「靚湯」減壓

因為「安心偷食」單嘢,一個累全家嘅黃心穎,連累重頭劇《法證先鋒4》重拍延遲播映,忍着淚做唔成今年嘅台慶劇,令監製同演員都大失預算。而臨危受命頂替黃心穎角色嘅湯洛雯(靚湯),聽聞壓力爆煲之餘,更加搞到塊面勁爆瘡,要化濃妝先遮掩到出鏡。

由於其他演員都拍過一次,靚湯要投入角色的確需要啲時間warm up。好彩,一眾同事都好體諒佢,特別係同佢對手戲最多嘅黃浩然。

好似早前兩人喺一間餐廳拍攝一場外景,東姑現場所見,全程靚湯都不苟言笑,睇落都幾緊張。其實場戲好簡單,講佢飲住紅酒,同浩然坐對面傾偈;不過,佢都NG咗好幾次;而趁未roll機拍攝前,浩然仲會貪靚補吓妝。反之,靚湯心神恍惚,似係為不停NG而自責。

可能見到對手緊張又內疚,浩然不單只唔介意,仲好有耐性同靚湯慢慢排戲之外,又不停講笑話搞gago氹佢。相信,浩然都係想緩和吓氣氛,令靚湯輕鬆自在啲,水準自然返番嚟,唔使NG準時收工,咁就皆大歡喜啦!

趁住化妝時間,浩然施展渾身解數,搞gag猛o氹靚湯笑,令佢心情放輕鬆。

 

有傳靚湯壓力超大,搞到塊面爆瘡,而拍外景期間,東姑見佢不苟言笑,似乎心情真係幾緊張。

 

未埋位時,浩然鍥而不捨講笑話冧靚湯,終於成功搏得女方笑逐顏開。

 

雖然場戲要重拍,但浩然對靚湯好有耐性,仲陪對方一齊對稿排戲。

 

當晚場戲其實好簡單,兩人喺餐廳撐枱腳食飯傾偈,以文戲為主。