為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2019 年 08 月 06 日

關慧玲

《東周刊》社長兼總編輯。

周末抑鬱症

持續多個月的示威衝擊,將人與人之間割裂成兩大極端。無論持哪種政見,覺得政府回應不足,又或罵黑衫人暴力都好,看見城市走晒樣,無不心火盛,以致擦槍走火的機率亦與時並增。不同政見朋友聚首,風花雪月似有不妥,論及局勢則壁壘分明,當藍絲人多的時候,黃絲就唔出聲;反過來黃絲主導,藍絲就隱忍不發,其實大家心裡都不舒服。

朋友說o依家接近周末,情緒就開始緊張,皆因佢剛上大學嘅仔一直有參加遊行,次次去到好夜,她本來無乜嘢,但是對峙愈來愈暴力,她完全唔知個仔究竟是和平示威那一批,還是蒙面掟磚嗰批,她試過弱弱地問及他的行蹤,兒子立即眼睛血紅爆粗,所以她再不敢勸,驚佢連屋企都唔返。她現在每次都記實兒子穿甚麼衣服出街,有沒有換掉衣服才回家,還有金睛火眼望實電視,掃視每個衝突畫面,求神拜佛沒有見到個仔嘅身影,直到佢平安回家才作罷,「個個星期咁搞法,人都就快癲。從前星期六日是好輕鬆的日子,o依家反而最易爆炸,鬧工人次數都多咗。」目前發展到差不多日日有抗爭,她擔心自己精神遲早頂唔順。

這種抑鬱,相信每個香港人都在經歷。執勤的警察、消防員一樣有家人、朋友,他們同樣會牽腸掛肚。問題是在咁對立的情況下,好多人都不敢找人傾訴,甚至連家人之間都唔講,苦水自嚥了就算。

一個城市的成功,是所有人按着大家認受的規矩來一起運作,才能行之有效,例如港鐵是全世界公認最有效率機構之一,靠的是港人做乜都要快的個性而來,守禮排隊、急步上車,上唔到等下一班;可是這些約定俗成,只要有一小撮人不守規矩,已立即瓦解,係咁意擋一下車門,按緊急掣,前面一班車無法開動,連累下一班也埋唔到站,這樣環環相扣,要癱瘓這城市輕而易舉。

每一個香港人,都是維持這美麗城市不可少的一員,我們是否容忍這亂象繼續下去?