為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 08 月 04 日

楊明「襟撈」博上位

今年三十七歲嘅楊明,近年工作上漸有起色,早前播映嘅《婚姻合伙人》首次擔正做「男一」,近排公司再畀機會佢上位,喺新劇《網絡騙案》中,佢再度擔正。

當機會擺喺面前,難怪佢亦份外搏殺,好似早前東姑巧遇佢為《網》劇喺九龍城一間茶餐廳拍外景,佢真係做足本份o架!喺劇入面飾演警察嘅佢,呢場文戲雖然唔使郁手郁腳,唔算好辛勞,但係大熱天時喺室外拍攝,個妝一陣就溶晒,見佢自備掛頸風扇之餘,仲拎埋手提風扇仔不停吹。相信佢係好大汗嘅人,避免化妝手足勞心勞力不停幫佢補妝,出動多啲私伙降溫解暑都要喇!

其實,場戲講楊明同一個男友人喺茶記食早餐;期間,遇上匆忙嘅黃建東,路過兼跌咗電話,而楊明就幫佢執番。喺等埋位期間,咁啱羅樂林路過,佢仲主動上前同劇組打招呼,唔知仲以為《愛•回家》嘅「大龍生」亂入客串《網》劇一角。之不過,楊明掛住拍攝,都唔知對方經過,所以冇打招呼;反而,佢對粉絲就唔敢怠慢,停機即畀佢哋「集郵」影夠本,話晒粉絲等如半個米飯班主,當然要畀足面喇!

大熱天喺室外拍戲嘅楊明,一陣間已經熱到溶咗個妝咁滯,要麻煩化妝人員幫佢不停補妝。

 

煙癮幾大嘅楊明,趁未埋位匆匆歎咗支煙,食得好擒青。

 

大汗嘅楊明,同時自備掛頸風扇,同埋手提風扇仔,消暑降溫。

 

呢場文戲講述,劇中飾演警察嘅楊明,同一個四眼男食早餐,並將五百蚊交對方。

 

邊行邊捧住碗麵食嘅楊明,只係劇情上嘅需要,劇組未至於冇放飯時間。