為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 08 月 02 日

向海嵐晒珠光寶氣

九八年港姐冠軍嘅向海嵐(Ann),早前與好友喺中環開設珠寶首飾樓上舖。而做咗老闆娘嘅佢,日前就出席一個女企家協會晚宴,除咗學做生意收料外,佢仲戴上自家品牌嘅翡翠耳環同戒指做人肉生招牌,單係對耳環都成十幾萬,價值不菲,席間仲引得唔少女賓客嘅注目。

首次做生意,Ann同拍檔合資咗七位數字,佢幾乎日日巡舖,又會幫手設計及宣傳,邊做邊學。雖然開業大約一年,但生意反應不俗,佢坦言︰「七個月就收支平衡,好開心。我對呢行好有興趣,嚟緊會參加珠寶展,我仲想報讀個珠寶設計課程。」即使忙於打理生意,但佢仍活躍於娛圈工作,老友賈思樂將於十一月舉行演唱會,佢到時會同台獻唱,所以稍後要準備練歌。

向海嵐日前以慧妍雅集嘅幹事身份出席晚會,並盛裝打扮,更戴上其自家品牌耳環同戒指,認真珠光寶氣。

 

路芙同Ann席間密密斟,唔通有合作大計?

 

DJ路芙也有到場,更高興得企起身玩遊戲,十分投入。