為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 08 月 03 日

劉德華自爆生活小秘密

近日,劉德華(劉華)馬不停蹄為自己主演兼監製嘅電影《掃毒2 天地對決》四出宣傳,早前仲去到台灣,接受名為「理科太太」網紅KOL嘅訪問。當中,佢講咗唔少自己平時嘅飲食同埋運動習慣,從中可以參透到佢養生回春嘅秘密。

講到上癮呢個話題,劉華自稱自己咖啡成癮,唔飲嗰日就會覺得有啲嘢冇做,以前會飲奶茶加煉奶,o依家就只飲咖啡。而飲食方面,佢好少食碳水化合物嘅嘢,好少食糖同澱粉質,食素都係食菜同豆類為主,難怪連主持人都大讚佢keep得好,皮膚非常咁容光煥發。

劉華又話,佢唔使開工時,係個唔會做運動嘅人,主持人當然好奇點解佢可以keep到咁fit。佢解釋,每日keep住有廿分鐘嘅輕微運動量,好似拉筋五分鐘、十分鐘嗰種,覺得唔使刻意跑步、做gym,已經可以保持健康喇!而堂堂大男人嘅佢,原來好怕老鼠,無論白老鼠、米奇老鼠都唔得,無論有尾巴或者冇尾巴,都一樣耍手擰頭,真係睇佢唔出!

訪問尾聲,剛當媽媽嘅主持人同劉華分享「湊仔經」,劉華認同湊小朋友好辛苦,但就唔覺意漏口風話:「(生小朋友)會上癮的,很快你就會生第二個了。」東姑睇嚟,似係佢嘅心聲多啲,恨追第二個子女嘅心情,簡直恨到出晒面囉!

劉華接受台灣網紅KOL訪問時,自爆原來每日都有keep住廿分鐘嘅輕微運動量,譬如做吓拉筋運動等。

 

連訪問佢嘅主持人,都大讚年過半百嘅劉華,皮膚太容光煥發。

 

劉華亦曾憶述,佢有一次同一位朋友喺大排檔食嘢,忽然有隻老鼠爬上朋友嘅大腿,佢見狀,嚇得拔腿狂跑,連bye bye都嚟唔切講。

 

已經有一個七歲女兒劉向蕙嘅劉華,同主持人分享話,雖然湊小朋友係好辛苦,但就爆出一句:「(生小朋友)會上癮的,很快你就會生第二個了。」似乎係佢本人嘅心聲多啲。

 

本刊就曾影到劉太朱麗倩,到素食專賣店為老公購買食材。

 

訪問劉華嘅台灣網紅KOL,原名叫李映彤,係一名生物醫學工程師,同老公John結婚生仔後,喺去年中成立YouTube頻道「理科太太」,以大眾科學知識為主題,至今有近一百一十萬人訂閱。