為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 08 月 01 日

修例風波以來首次回應 港澳辦力撐警隊

持續個多月嘅反修例風波引發全港多區警民衝突,各方逼政府成立獨立調查委員會嘅聲音愈來愈大聲,林鄭壓力不小。於此緊張關頭,國務院新聞辦周一(二十九日)喺北京開記招,首次開腔講香港當前局勢,更以「崇高敬意」去表揚警隊忍辱負重,有頂着四方壓力之意。

港澳辦新聞發言人楊光話,近月示威場面令人痛心,但事態已超出和平示威範圍,觸及一國兩制底線,形容性質嚴重,影響十分惡劣。對於外界多番傳出林鄭將被撤換,楊光重申中央堅決支持林鄭月娥帶領特區依法施政,有心粉碎中央想陣前易帥嘅傳言。

力挺林鄭後,楊光又對呢排被批鬥到體無完膚嘅警隊高度讚揚,稱支持警方嚴正執法,支持政府有關部門同司法機構依法懲治暴力犯罪人士 。楊光又特別指出:「體諒香港警隊及其家人所承受嘅巨大壓力,一直堅守崗位,忍辱負重。」佢對警隊堅守崗位,無懼無畏表示崇高敬意!用到「崇高敬意」嘅高度評價,以往都好少見。

有港區人大及政協嘅資深成員分析,中央呢番言論旨在澄清林鄭「無得留低」嘅謠傳,同時罕有地以大篇幅力挺警隊,佢哋先係記者會嘅「真正主角」。

有政壇人士相信,中央係因為要頂着四方要求林鄭設獨立調查委員會嘅壓力,「太多人遊說林鄭,話調查委員會可以唔止單係查警隊,可以擴大範圍調查埋其他涉事單位,佢精神壓力非常大。」當然,早前政務司司長張建宗替警隊道歉,惹各方面都唔討好嘅「幫倒忙」,中央亦作出安撫,「讚揚言論明顯拉近中央同香港警隊距離,加油打氣訊息非常鮮明!」

綜觀整場記者會,不外乎要傳遞幾大重點,包括一國兩制底線不能觸碰、中央唔會坐視一小部分人肆無忌憚踐踏香港法治、叫港人睇清「反中亂港」勢力嘅險惡用心、支持林鄭依法施政、警方嚴正執法,以及香港不能在無休止嘅紛爭中虛耗,「香港亂下去,全社會都要『買單』。」

港澳辦新聞發言人楊光(右二)周一在北京召開記者會,肯定香港政府及警隊的付出。

 

特首林鄭月娥多次向公眾表明會維護法治,打擊暴力。

 

連串暴力示威,令社會內耗不絕。