為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2019 年 08 月 01 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

沉默的背後

籌備兩年,寰亞電影《沉默的證人》今年暑假正式上映,近日多款電影海報陸續曝光,無論是影帝張家輝穿着醫生白袍、手執手術刀;還是型男任賢齊戴住聖誕老人面具、手執手槍,都非常吸引。

拍攝海報時電影已煞科,但家輝與小齊似乎仍未抽離角色,穿着醫生袍和手術手套,戴着金絲眼鏡的家輝,溫文爾雅,就算手執手術鉸剪和大力鉗,不減溫柔眼神。至於飾演悍匪的小齊,雖然戴住人見人愛的聖誕老人面具,但凶悍眼神穿過面具,令人不寒而慄。合照時,小齊扯着家輝的醫生袍領口,目露凶光,家輝手無寸鐵,眼神充滿怨仇。令人好奇這五小時殮房困獸鬥發生了甚麼事?

家輝揚言,今次的角色非常考他演技,事關他本人「太好打」,卻要為了角色隱藏實力,十級難度。「戲中我飾演一個斯斯文文嘅法醫,唔識打交,理應捱打唔識還手,但拍攝時我唔覺意使出《激戰》真功夫,下意識嘅自然反應,最初我都唔發現,反而係導演Renny Harlin睇playback時發現,話我要好好隱藏,唔可以俾觀眾發現我食過夜粥。」

小齊說:「戲中我係受過專業訓練,好打得,但家輝係斯文人只會打爛仔交,即係單憑本能反應擋拳、迴避或者掟嘢,例如玻璃樽、滅火器。家輝好體貼和好有經驗,知道邊個角度打落嚟唔會真『爆缸』。相反,因為佢個角色唔識打交,反而要『硬食』,雖然做咗安全措施,但睇到都戥佢痛。」

家輝與小齊於十四年前拍《大事件》時合作過,這次的《沉默的證人》由經典荷李活大電影《虎膽龍威2》(Die Hard 2) 動作導演雷尼哈林(Renny Harlin)執導,三人首度合作,不同文化交流,家輝和小齊異口同聲表示,不論打戲還是內心戲,導演的處理手法都令他們有驚喜。

小齊說:「今次合作感覺都幾特別,導演預先畫好晒Story board,分鏡分得好仔細,同香港嘅導演嘅方式好唔同。香港電影特式係導演與工作人員,互相好熟悉,好緊密合作,經常會有新靈感,臨場擦出創意火花。荷李活嘅手法好仔細,每一個情緒、動作都會事前好詳細解說。兩種方法各有各好玩。」

家輝則說:「作為我們演員嚟講,梗係好想乜都試,今次用外國人導演,將外國人思想放喺香港電影,很有新鮮感!」

小齊還打蛇隨棍上問家輝:「其實你好細心,你都係好導演。你幾時再做導演?搵我拍戲,我都會全力以赴!」

時隔十四年,影帝家輝跟型男小齊,於電影《沉默的證人》再度合作,戲裏戲外皆有火花。