為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 07 月 28 日

鄧一君心事重重

童星出身嘅鄧一君,九十年代拍電影《記得⋯香蕉成熟時》成名,張國榮當年仲點名大讚佢。跟住,佢入咗無綫拍過《烈火雄心》、《美味天王》、《尋秦記》等劇集,仲同古天樂成為好兄弟添;不過,佢之後轉咗行做保險。

而今年已經四十二歲嘅鄧一君,為咗完成自己嘅創業夢想,之前就喺油麻地開首間車仔麵店,跟住四月尾又喺熙來攘往嘅尖沙咀,再開新店,睇嚟生意興隆。

日前,東姑諗住去尖沙咀幫襯吓佢,睇吓呢間畀古天樂大讚好食嘅魚蛋檔,究竟乜嘢葫蘆賣乜嘢藥?點知當東姑行到間舖附近嘅時候,就見到一君喺門口行嚟行去傾電話,心事重重咁款,搞到東姑都唔敢行埋去,惟有擇日再幫襯啦!

鄧一君喺舖頭門口行嚟行去,皺晒眉頭咁傾電話,好似有啲事發生咗喎!

 

最近,無綫重播《烈火雄心》,古天樂同鄧一君嘅兄弟情又再一次成為焦點。