為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 07 月 27 日

童愛玲撐枱腳歎茶

今年四十六歲嘅童愛玲(Eileen),〇三年下嫁台灣富商王敦民,結婚一年後,就誕下兒子王子毅,現時已經十五歲。其後,佢專心湊仔,好少再參加幕前工作。雖然,早年有指Eileen同老公因工作關係聚少離多,傳出婚變,但並無損兩公婆嘅恩愛程度。

日前中午,東姑就喺將軍澳一間酒店嘅中餐廳,巧遇Eileen同老公溫馨撐枱腳飲茶。當日,素顏嘅佢,原本戴住黑超遮樣,直至坐低之後先除低副超。東姑現場所見,雖然佢零化妝,但皮光肉滑,保養得宜;而佢手臂上,仲有明顯嘅拔罐印痕,相信佢都有搵中醫調理養生。

席間,佢哋兩公婆主要以英語夾雜少少國語溝通,全程都有講有笑;而傾到興起時,Eileen仲會同老公give me five玩擊掌,又會畀老公講嘅嘢,o氹到心花怒放,個樣一臉冧滋滋咁款。睇嚟,佢哋雖然老夫老妻,但感情仲係sweet到漏喇!

淡出娛樂圈多年嘅Eileen,同台灣富商老公飲茶撐枱腳,夫妻感情恩愛。

 

結婚十五年嘅Eileen,同老公仲好似熱戀期咁,當傾到興起時,兩公婆仲玩擊掌。

 

雖然素顏零化妝,初時仲用黑超遮樣,但Eileen其實保養得宜,皮膚仲好白淨滑嫩。