為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 07 月 26 日

楊羚精明師奶仔

現年五十三歲楊羚,早年曾參與多部無綫經典劇集演出,包括:《大時代》、《公司三文治》及《大鬧廣昌隆》,都係飾演劇中男主角嘅細妹,無他嘅,皆因天生童顏,身形又嬌滴滴,難怪拍劇通常做「御用細妹」。

自從〇〇年下嫁咗做旅遊業嘅老公之後,誕下一仔一女嘅佢,就淡出娛樂圈做幸福少奶奶。早前,東姑就喺將軍澳一個商場,發現佢同埋囡囡一齊行街;期間,佢手推寵物車,而囡囡就手抱住愛犬,兩個人、一條狗一齊入咗一間寵物店,四圍搜索選購狗糧及狗用品。

之後,母女轉往一間零食店繼續shopping。不過,由於地方淺窄,母女於是兵分兩路,囡囡喺門口照顧狗狗,而媽咪就喺舖內,聚精匯神精挑細選紫菜,似係相當精明嘅師奶仔,跟着兩母女就打道回府。全程雖然冇人認出楊羚,但佢天生童顏,好似凍齡一樣,跟囡囡更似足兩姐妹花咁,真係令人羨慕喇!

雖然發福咗,但同囡囡外形似姐妹花嘅楊羚,帶埋愛犬去商場shopping。

 

保持到一臉童顏嘅楊羚,推埋寵物車入寵物店買嘢;期間,佢仲伸伸脷,睇嚟連心態都保持童心。

 

母女二人喺寵物店內,金睛火眼幫愛犬選購狗糧,相信愛犬如命。

 

之後,母女轉往一間零食店繼續買嘢,母女有商有量,感情融洽。

 

做咗人妻人母嘅楊羚,精挑細選紫菜,似係相當精明嘅師奶仔。

 

楊羚快手快腳買完嘢,免乖巧嘅囡囡喺門外等太耐。