為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 07 月 21 日

熊黛林高度戒備

去年為老公郭可頌誕下一對孖女嘅熊黛林(Lynn),早前,獲得老公批准北上拍攝內地劇,賺下奶粉錢。豈知回港後,對孖女竟然對阿媽感到生疏,搞到佢喺社交網狂呻,不過竟然畀內地網民寸爆佢「扮外國人」。

日前, Lynn又飛到瀋陽出席代言嘅健康產品活動。未知是否受之前嘅是非影響,當日大會為佢作出高度戒備,佢全程只係企喺台上,同埋所有儀式均喺台上進行。至於台下嘅賓客亦只能遠觀,一走近台邊,即有保安前來驅趕,連合照都一律唔准影,相當嚴厲!雖然東姑未能跟Lynn近距離接觸,但見佢明顯清減咗,身材已回復生育之前嘅九成。不過,呢位靚媽今時今日有女萬事足,一完成工作就飛返港見對寶貝女,絕對係「廿四孝媽媽」。

Lynn全程只係喺台上跟客戶祝酒,至於台下嘅賓客,佢則保持一段距離。

 

即使Lynn全程只站在台上,但一眾賓客卻不停擁喺台邊,爭相上前影相,場面熱鬧。

 

不用工作嘅時候, Lynn悉心打扮一對孖女,並帶佢哋行街街。左邊係大孖Kaylor,右邊係細孖Lyvia,兩個都好可愛。