為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 07 月 22 日

黃德斌福袋上身

現年五十六歲嘅黃德斌,同年輕佢十六歲嘅圈外老婆Joyce拍拖十八年,去年正式入紙註冊結婚,長情專一。最難得係,兩口子仲千年如一日咁恩愛,經常被影到出雙入對。

早前晚上大約七點,東姑就喺圓方商場,撞到黃生黃太。兩公婆似係啱啱食完嘢撐完枱腳,老婆揸住杯凍飲,而德斌就一路行一唔掩住半邊嘴撩牙,一齊行到趕頭趕命咁。原來,佢哋係買咗戲飛,趕住入戲院睇戲。

而東姑所見,德斌唔單只一有時間就陪老婆,兩公婆溫馨拍吓拖,當日見佢仲孭住個紅噹噹印有褔字嘅環保袋,睇怕個袋都係屬老婆所有,由佢幫手拎住先,真係體貼到加零一喇!

好男人德斌同老婆Joyce經常出雙入對,呢日又去圓方恩愛拍拖溫馨吓。

 

平時man爆嘅德斌,唔介意幫老婆拎袋,將個娘爆嘅環保袋孭上身。

 

兩公婆似係剛剛撐完枱腳,老婆仲拎住嘢飲,而佢就邊行邊撩牙。

 

兩公婆行到趕頭趕命,原來係趕入場睇戲,唔想錯過電影嘅開場。