為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 07 月 19 日

車婉婉依依不捨

無綫熱播劇《好日子》中,車婉婉就飾演齊萬碩(張達倫飾)嘅老婆彭露娜。一七年三月,婉婉以四十三歲之齡生咗囝囝Justus(花名BBQ),o依家只有一歲半;而喺劇中,彭露娜就有個廿七歲嘅仔Kyle(朱敏瀚飾),難怪婉婉都話:「我第一次演阿媽,個仔嘅年紀仲咁大;所以接到劇本嗰刻,淨係說服自己,佢係我朋友。」

自從同澳籍嘅Johnathan結咗婚、生咗個仔之後,婉婉就減少咗幕前嘅工作,所以今次拍大台劇,都係好難得嘅。近排,佢既要湊仔又要做宣傳,真係好忙o架;不過,日前都畀東姑喺尖沙咀人來人往嘅彌敦道撞到佢。當日,婉婉拖住位同佢差唔多樣嘅嬸嬸,兩人行咗一陣,佢突然同嬸嬸道別,仲要係依依不捨嗰款,攬完再錫番兩啖,然後先講bye bye,似足人哋送機咁款。

日前,東姑喺尖沙咀人來人往嘅彌敦道,野生捕獲車婉婉同嬸嬸企喺路中心道別。

 

攬完再錫番兩啖,又摸吓嬸嬸嘅面珠,車婉婉都真係好唔捨得喎。

 

 

 

臨尾,車婉婉再三叮囑嬸嬸沿途要小心,返到屋企後要報平安。