為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 07 月 18 日

屯門公園自娛區壽終正寢 「大媽」音波功如何煉成?

有網民喺七月六日發起「光復屯門公園」行動後,屯門區議會話咁快就一致通過,判公園內嘅自娛區「壽終正寢」,希望割走「大媽」呢個毒瘤。

不過前屯門區議員陳雲生就話取消自娛區做法得啖笑,「佢哋多年來都唔喺自娛區活動,取消有鬼用咩,o依家風頭火勢,啲大媽會暫且撤離,轉去中環、尖沙咀避風頭,但唔代表佢哋日後唔會返嚟。」

到底大媽嘅音波功如何煉成?陳雲生話區內最早出現第一班表演者,係二十多年前一對回流香港既印尼華僑夫婦。嗰時佢哋幾乎每日下晝三點就拎住結他去屯門泳灘自彈自唱,後來遭市民投訴,就轉移陣地改去屯門公園涼亭表演,久而久之唱到街知巷聞,吸引其他人一齊夾Band,形成一種風氣。由於佢哋無用揚聲器,當時街坊未有反對。

直至○二年,一位藝名叫喻米英嘅內地女子有樣學樣,走入屯門公園擺檔,既唱歌又跳舞,仲用揚聲器開到鬼咁大聲,吸引人圍觀。後來其他大媽紛紛效法,最高峰時有十幾班大媽同時間開騷,個個鬥大聲、鬥出位,搞到公園不得安寧。

後來大媽行為舉止愈來愈過火,不但當眾收觀眾利是,近年甚至刻意着得性感啲,同阿伯跳貼身舞博打賞。有街坊爆料話「有一位大媽以前喺內地夜場做過『媽媽生』,進駐屯門公園後,懷疑佢用賣唱包裝,實際涉嫌賣淫。」

康文署十幾年來收到大堆市民投訴後,○四年首次介入,要求所有在園內表演人士需向該署預先申請使用場地,並要遵守「不超過七十分貝聲量」聲量管制。惟噪音問題一直冇改善,康文署試過多次聯同警方採取行動,拘捕部分表演者,甚至沒收揚聲器,但最後卻因為證據不足,無檢控任何人。

屯門區議會○六年成立「屯門公園問題工作小組」,負責處理園內噪音滋擾問題。時任召集人陳樹英成功推動康文署喺公園設立咗兩個自娛區,要求表演團體排隊申請。可惜好多表演團體申請唔到場地,索性去公園其他地方擺檔,而康文署又未有即時驅趕佢哋,令自娛區形同虛設,唔使區議會表決早已壽終正寢。

在屯門公園每日都有大媽表演歌演,吸引不少男士圍觀,甚至共舞。

 

取消自娛區後,大媽繼續舞照跳、錢照收。

 

屯門區議會上周一致通過取消屯門公園自娛區。