為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 07 月 12 日

陪袁詠儀買餸有傾有講 「魔童」黐到實

張智霖同老婆袁詠儀帶12歲囝囝張慕童(魔童)去咗瑞士參加夏令營,一家三口玩得好開心。出發前,「迷你靚靚」魔童陪住靚靚去銅鑼灣Shopping同買餸,期間兩個有傾有講,買嘢時有商有量,魔童邊行又邊搭住阿媽膊頭,又靚又乖仔。

靚靚同老公經常參加內地真人騷節目,搵大錢之餘又可以放閃,收錢講私隱當然無問題,所以你會聽到張氏夫婦講陳年情史,但現實世界呢,當然兩回事,以前靚靚出街唔鍾意俾記者追蹤,抱住個仔更加咪使旨意影到魔童條眉毛,不過,個仔大咗,自己開咗ig,靚靚都唔再強硬保護囝囝五官曝光。

日前下午4點,靚靚同個仔去咗利園買衫,小朋友係A Bathing Ape迷,快速買完就拎袋衫交畀司機,兩母子再去買珍珠奶茶然後行去時代地庫超市買餸,兩母子喺超市一直有傾有講,關係非常Close,快買半個鐘阿囝搭住阿媽膊頭搭電梯離開,一上地面,有禮魔童主動同記者揮手,一直Keep住無笑容嘅靚靚見到囝囝釋出善意即跟住向記者揮手,畫面好溫暖。

兩母子買咩都有商有量。

 

去到超市,魔童會同阿媽一齊整好購物車。

 

魔童會搭住阿媽膊頭搭扶手電梯。

 

 

 

雖然已12歲,但魔童同阿媽行街仍然黐到實。

 

魔童童年時超級得意可愛。

 

張氏一家正於瑞士過暑假。