為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 07 月 11 日

陳瀅 譚凱琪好姊妹一齊捱

近來,忙於為無綫新劇《愛美麗狂想曲》開工嘅陳瀅(Jeannie)同埋譚凱琪(Zoie),愈來愈老友。雖然有人話一山不能藏二虎,女人又特別多是非,但東姑睇嚟佢哋friend到情同姊妹,開工時仲會互相照應。好似日前東姑遇上佢哋,喺中環大會堂對開空地拍外景,當日天氣悶熱又反常,一時出猛太陽熱到死,一時又失驚無神落大雨;加上,Jeannie着晒長袖疑似秋裝戲服,拍得寧舍辛苦。

現場所見,兩人正在拍攝一場排隊買演唱會飛嘅場面。劇中出現一名男士插隊打尖,於是Jeannie即刻打女上身,使出擒拿手捉住對方。不過,外表斯斯文文嘅Jeannie,又冇乜拍開打戲,所以導演初頭就唔係咁滿意佢嘅表現,於是捉佢埋一邊教路,教佢點出手狠啲、敏捷啲。

期間,東姑見Jeannie同Zoie都好好感情,揸住風扇仔嘅Jeannie幫Zoie吹埋風;而揸住雨遮嘅Zoie,又會幫Jeannie遮番太陽,總之就互相照顧。由於,拍攝時久不久落陣雨,佢哋慌忙間又要匿入有蓋位置閃避,拍攝進度都相當慢。好彩,兩姊妹有得傾吓、講吓、笑吓、輕鬆吓,等埋位嘅時間亦都快過啲。

Jeannie同Zoie兩姊妹感情認真好,無論好天曬落雨淋,都一把雨傘兩份遮。

 

雖然熱到出晒汗,但Jeannie都唔自私,揸住風扇仔幫Zoie吹埋涼。

 

拍拍吓忽然間落大雨,細心嘅Zoie遮埋Jeannie,快步走入有蓋嘅地方暫避。

 

劇情講述佢哋排隊買演唱會飛時,遇到個男人插隊打尖,Jeannie於是出手對付。

 

施展擒拿手制服打尖男嘅Jeannie,睇落身手唔差,似模似樣。