為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2019 年 07 月 13 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

越秀建立「兩地」優勢

越秀地產(0123)今年五月在成都首次奪地,投資關係部總經理姜永進(Michael)帶隊參觀地塊環境和配套。成都二○一八年GDP按年增長百分之八,增幅略高於全國水平,總量全國排第八。過去幾年土地供應波動但總體增長,而上年成交量與供應量保持大致平衡,今年首六個月就開始出現供不應求,成交均價逐步上升,整體環境屬於穩中有升。公司現時在成都發展兩個項目,一個在青白江,係距離主城最近嘅遠郊區,有高鐵配套;另一在彭州,屬生態區但鄰近動車站,半個鐘可達市區。

參觀期間有機會同Michael傾吓業務發展。越秀十年前開始將業務由廣州大本營延伸至其他地區,並採取「軌交+物業」業務模式,亦即係「地鐵+地產」策略。

當然,越秀發展重心仍以大灣區為主。公司由一六年開始與廣州地鐵成為戰略夥伴,今年更引入廣鐵為戰略股東;現時廣鐵為越秀地產第二大股東,佔經擴大股本一成九九。相信引入廣鐵作為股東後可深化雙方合作,共同推動「兩地」政策。

內地政府積極增加基建投資,根據廣州市城市軌道交通第三期建設規劃(二○一七至二○二三年),將會興建十條新地鐵路線。鐵路不斷鋪設,上蓋和旁邊造就不少地產發展機會。今年五月,越秀分別以四十三點六億元(人民幣,下同)和三十四點九億元,收購廣鐵蘿崗及陳頭崗兩個大面積項目五成一權益,和廣鐵合作發展。

兩個盤都有「兩地」優勢。蘿崗項目位於黃埔區,總建築面積九十一萬平方米,坐落已通車嘅廣州地鐵六號線旁,北側有六條公交線路,同時配備教育、文化及商業設施。陳頭崗項目位於番禺區,廣州地鐵二十二號線上蓋,預計明年通車;總建築面積八十八萬平方米,預計今年第三季開始動工。項目好似香港嘅校網盤,周邊有小學至初中嘅九年一條龍學校、幼兒園以及大型遊樂園,對於年輕家庭客有一定吸引力。

如果講「地」點就唔止兩地,首先今年公司終於進入深圳市場。越秀喺大灣區嘅布局主要在廣州、香港、佛山、中山、江門等市,六月首次投得競爭激烈嘅深圳寶安區住宅用地。睇返深圳市土地利用總體規劃(二○○六至二○二○年),建設用地總規模會控制喺九百七十六平方公里內,其中截至一五年已經用咗九百四十平方公里,即約九成六,代表新增土地空間非常有限。雖然調控政策仍然實施,但深圳作為大灣區核心城市,加上土地供不應求,相信樓價有一定支持。

越秀地產今年取態積極,喺深圳投地當日分別在廣州從化和杭州臨安各取一地,加上五月喺鄭州和成都取得地塊,以及六月較早嘅廣州增城,和上述與廣鐵合作兩個大盤,多盤齊發。公司之所以能夠同時開發多個核心地段樓盤,主要依靠母公司支持,喺開發階段先由同系基金投放大部分資金,越秀地產只佔細股,到銷售前至回購成為全資擁有,大大減低開發期嘅財務壓力。

陸叔與越秀地產姜永進(右) 赴成都考察。