為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 07 月 05 日

挑戰高難度水底攝影 羅霖出書分享凍齡秘方

53歲的羅霖(Candy)3年前以半百高齡推出寫真集,全城讚好。之後一直有人邀請她再出寫真,但她表示出一次就夠,反而想分享保養心得,故今年推出《凍齡美魔法》教一眾女士如何保鮮,為籌備此書,她花足5個月時間Keep Fit,又挑戰高難度的水底攝影,及試做嶄新美容療程打足一個月針。

此書分別在香港、上海、韓國和泰國取景。Candy坦言靚應由內而外,而「凍齡」心得是保養要由細做起,當年她18歲做空姐時就開始Keep,Keep足35年。

為了出書,Candy做了一個月資料搜集,她笑言:「上次出寫真都係keep fit一個月,但今次要keep足4個幾月,因為幾乎每個禮拜都要影相。」而新書內容豐富,Candy續說:「有我教㷛養顏靚湯、教做10組運動keep fit、教自拍、教快速化妝、教餐桌禮儀,同分享一個月可減10磅嘅餐單,最特別係我搵咗10幾個藝人朋友、媽咪同三個仔寫心靈雞湯,總共有20幾個Topic。」

羅霖的凍齡書將於下星期開記者會時正式推出。

 

Candy 透露做運動是最見效的修身方法。

 

羅霖表示難度最高是水底攝影,效果令她很滿意。

 

壓力大甩頭髮

Candy表示難度最高是水底攝影,她解釋:「因為拍攝嗰日得攝氏17度,啲水好凍、又澀眼,仲要個泳池好淺水,好多動作都要瞓喺度影,但瞓嘅時候個人會浮,每當我個頭一浮起,就畀工作人員㩒番落去,有時畀佢哋整到好痛。」幸好出嚟嘅效果好好,連兒子都讚。而她最深刻就是試做嶄新美容療程,她稱:「之前我成日甩頭髮,做完皮膚好咗,睡眠質素亦好咗無甩咁多頭髮。」另外多做運動都是秘訣之一,因修身最見效。

 

羅霖在書中大晒素顏相,還教大家用10分鐘快速化妝。

 

羅霖在書中介紹10組運動,這動作對修腰非常有效。

 

書中有羅霖和細仔Jonathan及愛犬的合照,還有其他家庭相。