司徒法正請食「太歲肉」

玄學家司徒法正除咗專長驅鬼治邪、幫人種生機轉運之外，近日更對極其珍貴嘅「太歲」（肉靈芝）都好有研究，於上周五、六及日，佢就搵咗幾個價值連城，已經生存咗成千年嘅「太歲」展示畀大家欣賞，公諸同好咁話，真係要畀個like佢！

人間「太歲」難得一見，東姑梗係要去開下眼界啦！當日，東姑就撞見同樣係充滿好奇心嘅鄧兆尊同喬寶寶。現場所見，鄧兆尊一睇到質感肉騰騰、外貌似足豬肉咁款嘅「太歲」，就即時要師傅割愛，搣少少「太歲」肉畀佢試食。食後，佢就話：「冇味嘅，好似食緊嚿冇味嘅豬肉咁囉！」至於喬寶寶，佢就話因為信仰問題，從來唔食豬肉，就連似豬肉嘅食物都唔食，所以唔會試食「太歲肉」喎，望吓摸吓就算喇！

上周，司徒法正搞咗一個稀世珍品「太歲」嘅展覽，鄧兆尊都好奇前嚟欣賞。

鄧兆尊對「太歲」甚有興趣，佢除咗試食外，更細心聆聽專家講解「太歲」嘅各種價值。

喬寶寶因為唔食豬肉，所以連似豬肉嘅「太歲」都唔敢試食。