為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 07 月 08 日

薛家燕買包餵子女

人稱「家燕媽媽」嘅薛家燕,育有兩女一子,全部都已長大成人,囝囝石耀庭早前仲結埋婚成家立室,家燕姐榮升做奶奶,飲完杯新抱茶之後,梗係心急等抱孫。難得,佢幕前演出咁繁忙,都仲持家有道,絕對係個稱職嘅慈母。

早前下晝約五點鐘,東姑就喺圓方商場巧遇家燕姐,同埋一個外傭一齊入咗一間麵包西餅店。佢睇嚟心中有數,走埋麵包櫃度,眼明手快揀咗兩個大麥包,再挾畀捧住個餐盤喺度stand by嘅外傭。之後,再由外傭負責排隊等畀錢,而家燕姐就施施然睇吓雪櫃嘅西餅蛋糕。睇得出,家燕姐確係賢良淑德,「廿四孝」到親身買埋麵包,幫啲仔女預備第二朝嘅早餐。好彩身邊有個外傭貼身侍候,家務瑣事先幫輕唔少咋!

眼明手快嘅家燕姐,打開麵包櫃揀咗幾個大麥包;而身旁嘅外傭,就拎定餐盤stand by。

 

向來成個開心果嘅家燕姐,買麵包畀仔女時,都不自覺咁會心微笑。

 

趁外傭排隊等畀錢期間,家燕姐再睇下有乜西餅蛋糕啱仔女口味。