我上演技班學到一樣嘢

最近，我經理人公司安排我去上演技班。正如我一位師姐都話：「佢仲使去？佢無時無刻都係做緊戲噃。」

我自問十分自豪從未上過演技班，但卻有足夠信心去演戲。機會唔係多，不過都有做過吓電視台節目、舞台劇、電影閒角。大學時，我就有鋪表演慾，於是喺學生會搞嘅舞台劇，一於扮自己曾經係自閉仔，去攞咗個男主角返嚟做。

至於點解會走到今日呢個地步，簡單嚟講就係當年老闆睇上我，可以做諧星。難得有伯樂，一於試下。葉念琛就話，主因都係由於我有表演慾。I don't deny that.
自己咩都唔精，喜歡扮通才，唯一執着嘅，就係閱讀。睇過十本八本演技同拍戲書，自問理論理解係有啲。

不過，練習先係最好嘅做法。演藝學院表演系畢業嘅Yem老師係幫到手。有理論但係唔heavy，練習又真係可以執到多好多嘢。

老師嘅comment係，我夠放得開，沒有包袱，擺得自己夠低，所以可以入型入格。佢反而好奇我係點做律師嘅。

老師又話畀啲朋友知會教我，有人話：「喂，佢好難搞嘅噃！」點知原來我咁隨和。

老師仲話，我天生喜感很強，但個人特點也很強，七、八成格已經喺度，但搵角色要適合先得。

成堂最重要嘅係學會一樣嘢，演咩都好，應該永遠想着你嗰場戲嘅「目的」係咩—你想達到咩。成部戲嚟講，亦要知道一句說話可以總結角色嘅目的，然後緊緊咁貼住。

不過，由於我生得太核突，而我親戚林雪已經佔據嗰個市場；所以，我幾勁都係同《新喜劇之王》個女主角一樣，再努力亦冇運行。

最近，我去上演技班，但由於我生得太核突，而我親戚林雪已經佔據嗰個市場；所以，我幾勁都係同《新喜劇之王》個女主角一樣，再努力亦冇運行。