為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > Paco巨星飯堂 2019 年 06 月 30 日

黃栢高

黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。

聲色俱全

要成為出色嘅演藝人,除咗天時地利人和,仲要藝人本身係實力同有準備,先可以抓緊機會,一飛沖天。今次「Paco巨星飯堂」,我就請嚟兩位聲色藝俱備嘅嘉賓:關楚耀(Kelvin)同應屆亞洲小姐(香港區)冠軍梁雪瑤(Sheryl),兩位都積極裝備自己,靜待時機。

我帶兩位嘉賓,去到位於時代廣場嘅「麒藝館」,品嘗色香味俱全嘅精緻粵菜,細說為事業嘅準備。

Kelvin嘅歌藝精湛,Sheryl則內外兼備,先可以成為應屆亞姐冠軍,足見演藝圈人才輩出。

 

唱到倫敦

飯敍嘅時候,Kelvin先至喺倫敦返港冇耐。佢興奮咁表示:「之前同JW去咗倫敦開演唱會,我真係發夢都冇諗過,可以喺O2(體育館,演唱會舉行場地)開concert!雖然係O2入面細啲嘅場館,但係都足以令我畢生難忘!

「飛去倫敦之前,我同JW已經開始準備工作,到去到個場,踩台嗰刻都有啲緊張,但係到真正演出,我上到台、睇到台下嘅觀眾、唱咗第一句歌,成個人就完全relax晒,真係好enjoy完成咗個show。而且啲觀眾反應好熱烈,佢哋係喺當地留學嘅中學、大學生,我就諗起自己以前喺加拿大讀書,每當有香港歌手嚟開show,我都好開心好興奮,只係今次我就變咗係歌手。」

2019年踏入下半年,Kelvin都有晒計劃。「我會keep住喺六、七、八月繼續做歌,最好喺一九年結束前,做多幾首,然後喺今年年尾或者明年年初,開一次show,做番一個音樂人嘅工作。」

我帶兩位嘉賓,去到位於時代廣場嘅「麒藝館」,品嘗色香味俱全嘅精緻粵菜,暢談佢哋嘅演藝路。

 

早前Kelvin同JW遠赴倫敦,喺當地著名嘅O2場館舉行演唱會,為當地留學生演出。

 

即燒無花果醬天下第一豬($168/例),即叫即燒,品質有保證。

 

燈籠泡椒香辣花膠($108/例),以爆炒方式,糅合辣味及花膠,香辣惹味。

 

水晶花膠凍($98/例),用鴨泡膠加金華火腿,以雞湯烹煮,放涼後凝固成果凍,滋補養顏。

 

演藝新丁

相比前輩Kelvin,Sheryl嘅演藝路先真正係剛起步,「好開心喺選美平台上得到認可,o依家我希望喺演藝事業上,有多啲機會發展。我讀書嘅時候參加過Choir,因為我好鍾意唱歌,雖然暫時未有機會,俾我發揮呢方面嘅talent,但我會珍惜每一個機會,去累積經驗。

「好似喺台慶嘅時候,我表演魔術,雖然只係短短幾分鐘嘅表演,但我都要不停反覆練習,熟習每一個步驟。嚟緊我要加倍努力,裝備自己。」

2019年踏入下半年,Kelvin表示會全力製作新歌,為今年底或明年初舉行嘅演唱會,做足準備。

 

除咗繼續做音樂,Kelvin同時醉心攝影,仲不時喺IG公開作品。

 

生於基層嘅Sheryl,大學畢業後獲墨爾本大學建築系碩士學位課程取錄,但佢因學費不足,轉而參加選美,從而實現自己嘅歌唱夢。

 

一口金華玉樹雞($188/例),以竹笙包裹蒸雞、露筍及金華火腿,一口size方便食用。

 

木藏牛($188/例),木瓜內為牛肉,盡收木瓜精華。

 

多棲廚神

唔止兩位藝人要時刻準備好,今次我同佢哋飯敍嘅餐廳,大廚陳小麒師傅即使已經係廚神級人物,都一樣要多才多藝。曾經喺喜來登酒店天寶閣擔任主廚十七年,陳師傅除咗為餐廳設計菜式,仲展露另一門「手藝」。「我鍾意畫吓金魚、蟹、雞仔喺啲餐碟度,點綴吓。畫畫我冇學過,只係上網睇吓人哋嘅作品,我有靈感就畫吓囉。

「餐碟嘅公仔,即興嘅我會用墨汁(墨魚墨汁)畫,有啲就一早已經印咗喺碟上面,都係菜式嘅襯托。」

陳師傅亦曾經喺東京中菜館掌廚,所以喺炮製花膠菜式方面,更有一套獨特方式,「頂級花膠同鮑魚一樣,都會分頭數,即係一斤有幾多隻。我揀咗五頭同十頭,再用頂湯炮製,呢個係品嘗花膠鮮味同膠質嘅最佳食法,咁先可以食到嗰種既黏且爽嘅質感。」

自言有個歌唱夢,Sheryl希望於演藝界實現夢想,相當有Heart。

 

陳小麒師傅屬廚神級人物,佢曾任喜來登酒店天寶閣主廚達十七年,????家除親自設計菜式,仲「兼職」為餐碟手繪圖案,增添不少詩意。

 

 

 

連餐廳內嘅屏風、敞門都有陳師傅嘅作品,極富特色。

 

餐廳設燒豬可視區,供食客睇住燒豬「誕生」,係同區鮮見嘅設計。

 

茶桃紅($58/杯),為玫瑰荔枝茶、水蜜桃及青檸汁混合而成。

 

玉鳳凰($58/杯),以羽衣甘藍及菠蘿汁炮製,味道清新。

 

玫瑰燒焗銀鱈魚($328/例),以原條鱈魚炮製,外脆內嫩滑。

 

麒藝館
地址:銅鑼灣勿地臣街時代廣場食通天10樓1001A
電話:28853390