周嘉洛籠絡人心
喺無綫熱播嘅處境劇《愛•回家之開心速遞》中，飾演「金城安」嘅周嘉洛，劇中經常撞板闖禍；但現實中，佢其實係醒目仔一名，仲好得幕前幕後嘅歡心。
早前，佢連同《愛》劇幾個演員，一齊出席品牌活動搵真銀，足證劇集帶契佢人氣高企，吸引到客戶留意。而離開時，東姑更發現佢呢個後生仔，幾識尊重前輩以及老人家，除咗叮囑劇中嘅「公公」劉丹「好聲行」之外，又扶住劇中「媽咪」、有腳傷嘅滕麗名行去停車場取車。喺途中，風趣幽默嘅佢，仲不停講笑o氹到幾個女人笑逐顏開，睇嚟佢深得老老少少、男男女女嘅歡心。
周嘉洛傍住「媽咪」滕麗名行去停車場攞車，途中大講笑話，????得幾個女人眉開眼笑。
劇中跟滕麗名飾演兩母子嘅周嘉洛，戲外對「哎呀媽咪」一樣孝順有加，一路扶住有腳傷嘅滕麗名去攞車。
現實中，周嘉洛好尊敬前輩老人家，臨走前仲特別叮囑「公公」劉丹「好聲行」。
