為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 06 月 28 日

李家鼎訓示李泳豪

李家鼎(鼎爺)同兩個兒子李泳豪、李泳漢父子情深,三仔爺一向感情好好;不過「養不教父之過」,鼎爺身為老竇,對乖仔一向嚴厲,甚至乎兩個仔人到中年三十九歲,佢都仲經常提點佢哋做人做事嘅道理。

早前,東姑就喺九龍城遇見鼎爺同泳豪,喺一間茶餐廳食午餐。兩仔爺坐正喺窗邊,鼎爺就一味口沫橫飛,未停過嘴之餘,仲不斷指手劃腳,表情愈講愈變得激動,似係訓示緊阿仔咁嘅款。難得,泳豪全程都冇乜反駁,一味老竇講嘢,佢就聽。雖然,東姑都稍稍望到泳豪聽老竇訓示,聽到心不在焉兼擔天望地,但咁大個人仲肯聽老竇「支笛」,都好難能可貴喇!

同乖仔泳豪喺茶餐廳食晏嘅鼎爺,指手劃腳、表情激動,似係向囝囝訓話。

 

鼎爺道理多多,教仔口水多過浪花,難怪泳豪愈聽愈心不在焉,無癮到只好望吓街。