為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 06 月 29 日

湯寶如躁底等男友

現年四十七歲嘅湯寶如(湯記),早年未婚懷孕,同賽車手男友陳德民,誕下現年十一歲嘅乖仔陳俊滔。雖然,至今仍未簽下婚書,未有名份,但一家三口生活得幸福美滿,婚結唔結都冇乜太大分別嘞。

早前,東姑就喺銅鑼灣鵝頸橋街市附近,遇上湯記着住一身運動裝束,似係啱啱做完gym,一個人企喺街頭等車。不過,佢一等十五分鐘,難怪佢愈等愈唔耐煩,面口仲愈來愈忟憎。期間,佢又拎個電話出嚟猛撳,似係短訊催促對方。後來「柴可夫」終於駕到,男友揸住一架價值四十五萬嘅環保電動車接佢,而佢上車時亦重現歡顏,睇嚟有男友體貼管接管送,佢乜都冧番晒啦!

企喺街頭等車嘅湯記,睇嚟愈等愈唔耐煩,仲黑晒口面添。

 

期間,佢仲頻頻低頭撳電話,相信係發短訊催促男友。

 

男友駕駛一架車價四十五萬嘅電動環保車,做御用「柴可夫」,接載湯記離開。