「安心出軌」一幕重現 呂慧儀自抽：有老婆仲去滾根本就抵死

無綫處境劇《愛．回家之開心速遞》昨晚播出的一集《有食唔食？（上）》，老翻「安心出軌」事件，藝員仔車厘子在車上向醉爆「細龍生」Max（鄭世豪飾）投懷送抱，被司機揄拍後於地下拍賣會圖利，「大龍生」（羅樂林飾）叫龔燁（張景淳飾）和熊若水（呂慧儀飾）去把影片買回來，卻被「大龍生」死敵「大陳」以3,000萬投得。今晚下集預告，還有Max開記者會鞠躬道歉說：「我係一個臭咗嘅男人！」
劇組好明顯抽「安心」水，但尾聲還有呂慧儀自抽，因為龔燁和熊若水在想辦法為醜聞拆彈，若水提出意見後，遭龔燁鬧「低能」，若水隨即嬲爆斥Max：「有老婆仲出去滾，佢根本就係抵死」，龔燁反駁：「你有冇睇清楚條片o架，Max係俾人勾引，唔係佢出去滾」；若水則繼續鬧：「有乜嘢分別呀？咪又係不忠，哦，係咁易俾人攬吓錫吓就可以出軌，咁結婚嚟做乜嘢呀？人冇自制能力咩？人係有自制能力o架嘛！」
龔燁則辯稱Max受酒精影響，作為一個正常男人當刻失手是人之常情。若水不認同：「人之常情？咁即係換轉車入面嗰個係你，你都會人之常情咁控制唔到自己，人之常情咁車厘子啦！咁即係客觀地設身處地，人之常情咁出軌偷食。」
呂慧儀老公黃文迪於今年三月被爆在巴士上與一名女子態度親暱，更錫錫對方，尤如情侶般，事件爆出後，二人發表離婚聲明宣佈結束七年婚姻。

 

 

 

熊若水跟龔燁理論細龍生出軌，似是呂慧儀心聲。

許志安在「偷食」事件公開後，第一時間開記者會，聲淚俱下向公開道歉。

從預告中可見，今晚就會播出「偷食」片段被公開，一夜白髮的「細龍生」自稱：：「我係一個臭咗嘅男人」，並在記者會中聲淚俱下，兼90度鞠躬道歉，將「安心」事件完美重現。

劇情出名貼地的處境劇《愛．回家之開心速遞》亦自我「抽水」，將「安心」事件重現！

細龍生：「我係一個臭咗嘅男人。」擺明抽許志安水。

呂慧儀老公黃文迪於今年3月被爆在巴士上與一名女子態度親暱，更錫錫對方，尤如情侶般，事件爆出後，二人發表離婚聲明宣佈結束七年婚姻。