為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 06 月 18 日

開騷喇! 蘇永康減逾20磅操出胸肌

蘇永康(阿公)正為今個星期五、六(6月21、22日)於紅館舉行的演唱會緊密排練。首次與過百位來自世界各地樂手合作,在密室排練的阿公直言非常興奮及開心,聽到一首首重新編曲的首本名曲,令他感動不矣,「真係諗唔到一聽音樂起,竟然令我找回當初為熱愛唱歌,熱愛音樂的那份初心,有幾首歌真係個心都震埋,非常震憾,迫不及待想同大家分享今次成果。」

為了演唱會,阿公亦積極減肥修身,日夜操練之下減了二十多磅,成個人瘦了一個碼,「真係練到胸肌都有埋,不過大家唔使擔心,我唔會唔著衫出來嚇人,哈哈。其實練身都係對自己的健康負責任,希望有最好的體能上場,不要生病咁先可以發揮到最狀態。近呢兩個星期,連食嘢著衫都好小心,盡量唔畀自己有感冒的危險啦,因為依家啲感冒菌大家都知啦,好耐都唔好。唔知係咪keep住做運動,所以身體真係好咗,以前每次演唱會,個人緊張,壓力一來,我口唇邊就一定出晒疱疹二形,一粒二粒,但今次又一粒都冇出喎。我係二形,唔係一形呀下,大家咪誤會。」

問到剛過去的父親節如何度過?阿公話成個父親節都要做足24小時湊仔公,「老婆出差唔喺香港,剩番我一個,邊個同我慶祝喎,我咪24小時喺屋企湊仔囉,唔係邊個幫我睇住佢,父親節我估要等到我個仔再過多兩年啦,識得做下手工仔,我估我先開始真正得到個仔送禮物畀我啦。」

蘇永康正為今個星期五、六(6月21、22日)於紅館舉行的演唱會緊密排練。

 

蘇永康話重首本名曲新編曲後,讓他搵到初心。

 

為了演唱會,蘇永康積極減肥修身,日夜操練之下減了二十多磅,成個人瘦了一個碼。

 

蘇永康被問到剛過去的父親節如何度過?他表示父親節都要做足24小時湊仔公。