為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 06 月 20 日

許懷欣清減型晒

「歌神」許冠傑嘅大仔許懷欣(Ryan),幾個月前發現小便有血,於是睇醫生檢查,後來被診斷係早期膀胱癌,所以立即動手術。之前,佢喺社交網宣布抗癌成功,仲留言話:「癌細胞一切都已清理好,到現在為止還挺好。感謝所有的想念和祈禱⋯⋯」同時,佢又呼籲大家要愛惜身體,更要留意住身體變化。

向來許懷欣都有啲肉地,不過自從做完手術之後,佢確實清減咗好多。早排,尖沙咀搞咗個新世代日本浮世繪展覽,向來鍾意玩藝術嘅佢,梗係要到場支持。當晚大約八點半,東姑就見到許懷欣單拖到場,瘦咗嘅佢,竟然有少少似張智霖。現場所見,佢最鍾意日本藝術家Ukiyoemon Mitomoya嘅諷刺時弊作品,佢每幅畫都細心欣賞,最後仲買咗兩幅返家添!

每一幅畫,許懷欣都好細心咁欣賞,又踎低喺度睇咗好耐添!

 

當日展出作品嘅畫家都喺度,許懷欣好似小粉絲咁非常雀躍,仲立即捉住佢影相。

 

現場有幾十幅畫,許懷欣都用手機逐一影低。