為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 06 月 20 日

麥美娟爆粗 建制派怨氣大爆發

林鄭月娥修訂《逃犯條例》遇上激烈反對,最終宣布暫緩。一直撐到最後的建制派極度不滿。平日形象淑女嘅工聯會立法會議員麥美娟,上周六在特首會見建制派議員嘅會議上大爆發,爆粗大罵「X街!」,火藥味甚濃。

本刊向多名知情人士了解建制派怨氣大爆發的原因,係覺得十分委屈,皆因林鄭喺煞停逃犯條前僅知會少數行會成員,大部分建制派仍蒙在鼓裡。

據悉,麥美娟在會議中大聲說:「你太天真啦!o依家就算暫緩(修例)人哋都唔會收貨!」林鄭解說係工作做得唔夠好,麥美娟扯火,話「唔好賴解說工作,一開始特區政府就低估政治形勢,我啲兄弟落去解說日日被人X!X街,你試下落區日日畀人X呀!」林鄭一臉錯愕,但繼續努力辯解。

麥美娟谷爆繼續狂數,話一味叫建制派唔好動搖,所以即使有逾百萬人上遊反修例,工聯會依然去美國領事館拉橫額鬧美國佬,麥續說:「o依家話撤就撤,咁當初有過百萬人上街,嗰時又憑乜咁堅定?」麥美娟鬧足五分鐘收唔到掣,林鄭忍到呢一刻終於淚灑人前,麥美娟隨即說:「o依家喊有乜用?你識喊!我都識喊!」自己亦喊了出來。

 

 

氣上心頭嘅麥美娟直奔禮賓府見林鄭。

漁農界議員何俊賢加入護花,力數林鄭令建制派議員今後難以面對街坊,選舉將陷苦戰。同場各建制派你眼望我眼,沒有人敢勸停。

會後,有建制派議員對麥美娟呢番烈女舉動叫好,直言係講出部分議員嘅心底話。

有建制派話,今次為撐修訂條例弄得身心俱疲,擔心多年地區深耕細作一鋪清袋,問特首係咪無當佢哋係盟友,「過往好多政策都係一推就推,都唔同我哋商量,今次轉軚又係咁。」

本刊問過麥美娟,佢無承認亦無否認爆粗,只話:「唔好問我,會議內容唔講得。」

曾發動漁船巡遊撐修例嘅何俊賢谷到一肚氣,批評林鄭轉軚令建制派難以同支持者交代,未來選舉將陷苦戰!

 

林鄭急煞停修例前約建制派議員在禮賓府解畫,未料變成一場盟友聲討大會,火藥味濃。