啤酒+米芝蓮的絕配

最近發現，原來飲啤酒都可以有很classy的組合，原來一杯精釀啤酒的清新順滑口感很易入口，沒有一般啤酒的苦澀味，難怪啤酒美食配對（Beer pairings），近年成為一眾年輕人所喜愛。

一向鍾意飲飲食食的我，剛出席1664啤酒與米芝蓮星級法國餐廳ÉPURE的私人晚宴，聽落已經有新意，不飲香檳、紅白酒，而係食法國餐飲啤酒，真係要試試。當晚更難得可以同一眾好朋友Ankie B、Rosemary、郭秀雲、洪欣、劉美娟、張崇德、李樂詩、黎芷珊、胡敏珊、莊端兒等，大夥人邊傾偈邊享受法國餐，認真夠暢快！

唔講唔知，原來Rosemary係貝安琪Ankie的紅娘，當初未想過相約大夥人一起晚飯，Simon 就成功抱得美人歸，現在Ankie和在香港長大的法國籍丈夫Simon，已有個兩歲多的混血小男孩，英俊帥氣，非常逗得人歡心。

星媽在場，難得雙雙對對出席晚宴，但是大家整晚話題都是兒女經！

至於洪欣，她是我相識多年好友。一坐下，洪欣看見相識多年的劉美娟、張崇德同樣在場大感興奮，原來他們也相識多年，久別重逢而且大家都已為人父母，特別多話題。洪欣心地善良，對家人朋友都非常真摯愛錫，難怪整晚話題都在家人身上，愈講愈甜蜜，真替她開心。

講番當晚的Menu，整個系列一共有六道菜，配上品牌不同的啤酒，擦出不同的火花。傳統概念白酒配海鮮，紅酒配紅肉，但這次的米芝蓮晚宴選用啤酒配搭菜式，甚少飲啤酒的我們對此感到特別新奇。由頭盤到甜品搭配不同啤酒，啤酒配搭正值時令季節的食材，選用Kronenbourg 1664，以縈繞花香的啤酒Lager燉煮小牛肉面頰，經長時間燜燉後，口感超級軟稔，味道甜美，真讓人胃口大開。而另一個主菜—法國魴魚柳伴復古番茄佐忌廉蜆肉芥末醬，搭配Kronenbourg 1664 Blanc，啖啖啤酒醇香幼滑巧妙提升魚肉鮮美與番茄酸甜，絕對是高水準之作，大家整晚都讚不絕口。

我對啤酒的認知，從來只視作花生伴侶，大多是「Happy Hour」或打邊爐時之選擇，或者睇電視以脆皮花生來配啤酒。不過唔講唔知，很多國家已把啤酒取代了紅、白酒的位置，而且在西餐桌上變成主角的時候同樣講究。這次Beer pairings由擁有多年經驗的法國總廚Nicolas Boutin下廚，發揮了不少創意，他別樹一格的烹調風格令我們非常驚喜，輕輕鬆鬆地吃完一餐，感覺頗寫意，米芝蓮級的Beer Pairing值得一試！

（左排）黎芷珊丶莊思敏丶莊端兒丶陳約臨 、（右排）胡敏珊丶周美鳳丶朱庭萱丶蔡欣熹當晚都好開心，盡興而歸！