為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 06 月 15 日

「麒麟金城武」當街同囡囡黐纏

有新晉「廣告男神」之稱嘅莫竣名(Louis),憑住一個啤酒廣告,因為樣貌似金城武,而備受注目。之後,佢又擔任ViuTV多個節目嘅主持,包括靈異節目《入住請敲門》,以及同另一個新晉男神黎學勤,一齊合作主持嘅旅遊節目《一路向西伯利亞》都有唔錯嘅口碑,開始被觀眾認識。

不過,「男神」名草已有主,聽聞佢女友係讀大學時嘅同學。而早前,東姑就喺銅鑼灣,巧遇佢同長髮索女友一齊,仲同成班男男女女嘅朋友,喺街上面左騰右騰,似乎係一大班人相約去搵好嘢食。

雖然,身處鬧市大街大巷,仲有成班朋友企正喺面前,但Louis一啲都冇避忌,同女友非常之黐纏,一時拖晒手依偎膊頭,一時又身貼身,零距離喺耳仔邊喁喁細語。兩人高調「放閃」,閃到人眼都盲,完全無視班friends嘅感受。愛得咁甜蜜,睇嚟同女友嘅感情都好穩定,仰慕「男神」嘅女粉絲,就只能葡萄喇!

憑一個啤酒廣告而彈出嘅Louis,因為貌似金城武,而被封「麒麟金城武」外號。

 

同長髮索女友情侶檔,約埋班friend食飯嘅Louis,同女友不時企埋一邊,吱吱斟傾密偈。

 

即使喺大庭廣眾,兩人照樣十指緊扣,女友仲情不自禁挨落Louis膊頭上,愛得公開。

 

雖然喺銅鑼灣鬧市,但佢哋毫不避忌當街黐纏,仲做「連體嬰」身貼身、咬耳仔。

 

着住吊帶背心嘅女友,樣靚身材索,同「男神」Louis外形都相當登對。

 

Louis拖實女友喺啲friend面前「放閃」,睇嚟啲friend都習以為常,見慣不怪喇!